बाढीपहिरोले २ को मृत्यु ४ जना बेपत्ता

बेलिना थापा

लमजुङ, भदौ २८ गते ।  बुधबार दिउँसो परेको मुसलधारे बर्षाका कारण आएको बाढीपहिरोमा परी लमजुङमा २ जनाको मृत्यु भएको छ । मस्र्याङ्दी गाउँपालिका ३ पल्लोटारीमा घर माथिबाट आएको पहिरोले एउटै घरको हजुरआमा र नातिनीको मृत्यु भएको प्रहरीले जनाएको छ ।

६० बर्षीय हजुरआमा अतिरुपा थापा र ९ बर्षिया नातिनि सिरस थापाको मृत्यु भएको प्रहरी नायव उपरीक्षक यादव ढकालले बताउनुभयो । उहाँका अनुसार पहिरोमा परेका उनीहरुको उद्धार गरी खुदीस्थित स्वास्थ्य संस्थामा ल्याउदै गर्दा बाटोमै मृत्यु भएको हो । बेंसीसहर नगरपालिका ११ रामचोकमा निर्माणाधिन २७ मेगावाटको दोर्दीखोला जलविद्युत् आयोजनामा पावरहाउसको काम गर्दै आएका २ जना कामदारलाई मस्र्याङ्दीले बगाएको प्रहरीले जनाएको छ । रसुवा कन्ट्रम्सनका बर्दीयाका अ

Pahiro@rambazar 1न्दाजी २९ बर्षीय बलीराम चौधरी र अन्दाजी २२ बर्षीय लक्ष्मण थारु बेपत्ता भएको प्रहरीले जनाएको छ । भारि बर्षाले मस्र्याङ्दी पानीको बहाव बढेपछि काम गरिरहेका उनीहरुलाई बगाएको प्रहरीले जनाएको छ ।

यस्तै, उत्तरी लमजुङको मस्र्याङ्दी गाउँपालिका ३ अर्खलेबेंसीमा पहिरोमा परेर २ जना बेपत्ता भएको स्थानीयले बताएका छन् । स्थानीय जगत गुरुङका अनुसार अर्खलेबेंसीका अन्दाजी ७० बर्षीया ललितमाया गुरुङ र जगतगाउँ घर भएका लामा भनेर बोलाइलिने तर नामथर खुल्न नसकेका एक व्यक्ति बेपत्ता भएका छन् । गाउँकै फूलमाया गुरुङ घाइते भएको स्थानीयले बताएका छन् । बेंसीसहर–चामे सडकखण्डको रामबजार, काप्रेभीर र अर्खलेबेंसीमा पहिरो खसेपछि आधा दर्जन बढी घर बगाएको स्थानीयले बताएका छन् । अर्खलेबेंसीमा ४ वटा घर मध्ये ३ वटा घर बगाएको छ । मस्र्याङ्दी गाउँपालिका ४ रामबजारका जीतबहादुर गुरुङ र दमै गुरुङको घर बगाएको वडाध्यक्ष सुमन गुरुङले बताउनुभयो । उहाँका अनुसार एउटा ट्याक्टर र ३ वटा मोटरसाइल समेत बगाएको छ । रामबजारका १०÷१२ घर पहिरोको जोखिममा रहेको उहाँले बताउनुभयो । यस्तै, मस्र्याङ्दी गाउँपालिका ४ काप्रेभीरमा एउटा जीप पुरिएको छ । वडा नम्बर ४ कै स्याँगेमा खुसीराम परियारको १५ वटा बाख्रा बगाएको गुरुङले बताउनुभयो । मस्र्याङ्दी गाउँपालिका ६ को बाहुनडाँडामा २ वटा घर पहिरोले बगाएको स्थानीय रबिन्द्र घिमिरेले बताउनुभयो ।

प्रमुख जिल्ला अधिकारी झंकनाथ ढकालले बाढीपहिरोले अघिकांश ठाउँमा क्षति पु¥याएको बताउनुभयो । ‘हामी उद्दारको कार्यमा लागिरहेका छौं । बर्षाका कारण उद्दारमा कठिनाई भएको छ’ उहाँले भन्नुभयो ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds