.jpg)
धर्बेन्द्र झा
धनुषा, चैत १८ गते । महिलाको पाठेघरको मुखमा हुने क्यान्सरको स्वास्थ्य परीक्षण एक सय महिलामा गरिएको छ ।
जनकपुरधाम उपमहानगरपालिका वडा नं. १० मा एक स्वास्थ्य शिविर सञ्चालन गरी ती महिलाको स्क्रिनिङ्ग जाँच गरिएको हो ।
उक्त शिविरमा स्त्री तथा प्रसूति रोग विशेषज्ञ डा. नितु झा, डा. आरती अधिकारी र परिवार नियोजन सङ्घका राजकुमारी अधिकारीले जाँच गर्नुभएको थियो ।
स्वास्थ्य परीक्षण गरिएका केही महिलामा यसको सुरुवाती लक्षण देखिएको बताइएको छ ।
महिलाको पाठेघरको मुखमा हुने क्यान्सर रोग दिनानुदिन बढ्दै गएकाले जनचेतनासहित उपचार आवश्यक भएको वडा सचिव जमुना भुजेलले बताउनुभयो ।
