मलाई ढुङ्गालाई बेस्मारी
गाली गर्नु मन परेको छ ।
ढुङ्गालाई बेला–बेलामा
गाली नगरी मेरो चित्त बुझ्दैन
कहिले दिनमा भोक लाग्दैन
रातमा सुत्नु मन लाग्दैन ।
कारण ढुङ्गाले–
कतै मेरो, कतै आफ्नै भागको हरियाली
किचिमिची पारेको छ
डङ्ग्रङ्ङ पहेँलो पल्टिएको छ
सनातनदेखि काई–झ्याउले पुरिएर
मौन बसेको छ ।
तर त्योभन्दा बढी
ढुङ्गालाई गाली गर्न मन लागेको कारण–
ढुङ्गाभित्र ईश्वर कहलिन पाउने
अथाह सम्भावना छ
तर उसैलाई थाहा छैन ।
जसलाई आफ्ना बारेमा थाहा छैन
उसलाई गाली नगरेर के गर्ने ?
इटहरी–२, सुनसरी
-original-thumb.jpg)
