पुल बगाएपछि स्थानीयलाई सास्ती

शैलेन्द्र रोकाया

बझाङ, साउन २४ गते । बझाङको बाउली खोलामा पानीको सतह बढेसँगै खोलामा निर्माण गरिएको काठे पुल खोलाले बगाएपछि आवतजावत बन्द भएको छ । खोलामा पानीको सतह बढ्दै गएको र काठेपुल खोलाले बगाएपछि आवतजावत बन्द भएको हो ।
सिमखेतबाट झण्डै १० मिनेटमा नै चैनपुर पुग्ने स्थानीय बासिन्दा काठेपुल खोलाले बगाएपछि आधा घण्टाभन्दा बढी पैदल हिँड्नुपर्ने बाध्यता छ काठेपुलबाट आवतजावत बन्द हुँदा स–साना बालबालिकालाई बढी सास्ती हुने गरेको छ ।
सिमखेत, सुबेडा, नौराकालगायतका क्षेत्रका बालबालिका चैनपुरमा रहेका निजी तथा सरकारी स्कुलमा अध्ययन गर्ने भएका कारण खोलाले अवरोध गरी दिएपछि बढी सास्ती हुनेगरेको छ ।
बाउली खोलामा निर्माण गरिएको पक्की पुलको बाटो भएर चैनपुर पुग्नुगरेकोे स्थानीय राजेन्द्रबहादुर सिंहले बताउनुभयो । खोलामा काठेपुल भएको समयमा निकै सजिलो भएको थियो । ४५ मिनेट कम हिँड्नुपथ्र्यो, स्थानीय बासिन्दा सङ्गीता सिंहले भन्नुभयो, अहिले काठे पुलबाट हिँड्न बन्द भएपछि थप ४५ मिनेट हिँड्नुपर्ने भयो ।
सोही सडक भएर नै बालबालिका आवतजावत गर्ने र सवारीका साधन समेत आवतजावत गर्ने भएका कारण बढी समस्या स–साना बालबालिकालाई सास्ती र गाह्रो हुने गरेको स्थानीय लवराज जोशीले बताउनुभयो ।
उहाँले भन्नुभयो, पहिलो छोटो बाटो भएर बालबालिका आफैँ स्कुलसम्म जान सक्थे अहिले एक्लै विद्यालय पठाउनसक्ने अवस्था पनि छैन । एक्लै पठाए कतै सवारी दुर्घटना पो हुन्छ कि ? भन्ने डर लागेको छ । झोलुङ्गे पुल बन्ने तयारी त छ तर काम कछुवाको गतिमा भइरहेको गुनासो उहाँको छ ।
२०७३ असार ३१ गते बाउली खोलामा आएको बाढीका कारण खोलामा निर्माण गरिएको झोलुङ्गे पुल बगाएपछि बर्खाको समयमा स्थानीयले सास्ती खेप्नु परिरहेको स्थानीय राजेन्द्रबहादुर सिंहले बताए । पुल निर्माणका लागि सम्बन्धित निकायले कुनै पनि चासो नदेखाएको स्थानीयको आरोप छ ।
खोलामा काठेपुल भएको समयमा बालबालिकालाई स्कुलसम्म पु¥याउन आउनु पर्दैनथ्यो, स्थानीय कमला बुढाले भनिन्, अहिले त बालबालिकालाई नै पिठ्युमा बोकेर स्कुलसम्म नै पु¥याउनुपर्छ ।
काठेपुलबाट आवतजावत बन्द हुँदा विद्यार्थी मात्र होइन, कर्मचारीदेखि बिरामी पनि मारमा परेका छन् । जसका कारण बिरामीलाई बोकेरै अस्पताल पु¥याउनुपर्ने बाध्यता रहेको स्थानीय दीपक ऐडीको भनाइ छ ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds