मन मगन विभिन्न भाषामा सार्वजनिक

man magan

गोरखापत्र समाचारदाता-
ललितपुर, साउन २१ गते । म्युजिक भिडियो ‘मन मगन’को चर्चासँगै दीपक बज्राचार्यको मन मगन विभिन्न भाषाका संस्करण सार्वजनिक हुँदैछ ।

सोमबार यहाँ आयोजित पत्रकार भेटघाटमा नेवारी (नेपालभाषा) संस्करण सार्वजनिक भएको छ । मंगलबार हिन्दी संस्करण भारतबाट सार्वजनिक हुँदैछ ।

नेपाल र भारतमा विभिन्न भाषामा मन मगनको गीत रूचाएपछि नेवारी र हिन्दी भाषामा पनि ल्याएको गायक दिपक बज्राचार्यले पत्रकार भेटघाटमा जानकारी दिनुभयो ।

‘नेपाली सङ्गीतमा विश्व नाचोस्’ भन्ने उद्देश्यका साथ नेपाली बाजाहरूको तालमा ‘क्रिम अफ रीडम’ अभियान अगाडि बढेको जानकारी दिनुहुँदै उहाँले उक्त म्युजिक भिडियो चाँडै अङ्ग्रेजी र स्पेनिस भाषामा आउने बताउनुभयो ।

नेपालका विभिन्न बाजागाजा, नृत्य, भेषभूषा, संस्कृति, रहनसहनलाई समायोजन गर्दै केही महिनाअघि नेपाली भाषामा मन मगन सार्वजनिक भएको थियो ।

पत्रकार भेटघाटमा गायक बज्राचार्यले भारतको प्रतिष्ठित म्युजिक कम्पनी डिजिट्युनले नेपाली रुपियाँ एक करोडभन्दा बढी बजेटमा प्रवद्र्धन गरेको बताउनुभयो ।

man magan_1

त्यसैगरी, गायक दीपक बज्राचार्यलाई हिन्दी भाषाका चलचित्रमा गीतहरु गाउने विषयमा पाँचवर्षे सम्झौता भइसकेको पत्रकार भेटघाटमा आयोजकले सार्वजनिक गरेको छ ।

मन मगनलाई विश्वब्यापी बनाउन तीनमहिनासम्म युरोप, अमेरिका, अष्ट्रेलिया, कोरियामा केही दिनपछि उक्त साङ्गितिक टोली जाँदैछ ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds