सट्टेबाजीका नागराज पक्राउ

गोरखापत्र समाचारदाता

काठमाडौँ, असार ११ गते । राष्ट्रिय तथा अन्तर्राष्ट्रियस्तरका खेलमा ‘सट्टेबाजी’ का एजेण्ट भनेर चिनिँदै आएका धनुषा जनकपुरका ४८ वर्षीय अमृत भन्ने नथमल नागराज (अग्रवाल) लाई प्रहरीले पक्राउ गरेको छ ।
केही महिनाअघि भारतमा सम्पन्न आईपीएल क्रिकेट खेलमा सट्टेबाजीबाट उठेको दुईकरोड ४० लाख नगद लिई फरार भएका अग्रवाललाई राजधानीको पानीपोखरीबाट पक्राउ गरिएको महानगरीय प्रहरी अपराध महाशाखाले जनाएको हो ।
सट्टेबाजीका नागराज भनेरसमेत परिचित अग्रवालविरुद्ध महोत्तरी मनरासिसुवाका राकेश सिंहलगायतका पीडितले ठगीसम्वन्धी उजुरी महाशाखामा दिएका थिए । ठगी मुद्दामा फरार अग्रवाल खोजतलासको क्रममा शनिवार साँझ पानीपोखरीबाट पक्राउ परेका हुन् ।
उनीविरुद्ध मुलुकी ऐन ठगी महल अनुसार आवश्यक कानुनी कारवाहीका लागि मुद्दा दर्ता गरिएको महाशाखाका प्रहरी उपरीक्षक नरेन्द्र उप्रतीले बताउनुभयो ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds