काठमाडौं, माघ २१ गते। राष्ट्रिय स्वतन्त्र पार्टी (रास्वपा)को आकस्मिक बैठक सकिएको छ। वसुन्धरास्थित पार्टी मुख्यालयमा केन्द्रीय समिति र संसदीय दलको बैठकमा गठबन्धनसँगको सहकार्य, सत्ता साझेदारी, गृहमन्त्रालयको विषयमा छलफल भएको सांसद सन्तोष परियारले जानकारी दिनुभएको छ।
बैठकमा राष्ट्रपति र उपराष्ट्रपतिको निर्वाचनको विषयमा समेत छलफल भएको उहाँले जानकारी दिनुभयो। आइतबार बिहान साढे ११ बजे बस्ने अर्को बैठकले सत्ता साझेदारी र समसामयिक राजनीतिक घटनाका विषयमा निर्णय गर्ने उहाँको भनाइ छ ।
बैठकमा केही नेता उपस्थित हुन नसकेका कारण आइतबार अर्को बैठक बस्ने निर्णय भएको उहाँले जानकारी दिनुभएको हो।
