फिलिपिन्समा सात कम्युनिष्ट विद्रोही मारिए

दाभाओ सिटी, फिलिपिन्स, फागुन २९ गते ।  दक्षिणी फिलिपिन्सको एक ग्रामीण क्षेत्रमा यहाँ विगत लामो समयदेखि विद्रोह गरिरहेको कम्युनिष्ट विद्रोही समूह र सेनाबीचको भिडन्तमा परी सात जना कम्युनिष्ट विद्रोहीको ज्यान गएको समाचार छ ।

मारिनेमा यहाँको कम्युनिष्ट विद्रोही समूह, न्यू पिपुल्स् आर्मी (एनपिए)का सातजना गुरिल्ला परेका छन् ।

मङ्गलबार बिहान सबेरै सैनिक र विद्रोहीबीच भएको झपडमा परी कम्तीमा सात व्यक्तिको मृत्यु भएको र केही घाइते भएको सैनिक अधिकारीले जानकारी दिएका छन् ।

दक्षिणी फिलिपिन्सको कोटाबाटा प्रान्तमा सो भिडन्त भएको थियो । सो क्षेत्रमा उक्त विद्रोही समूहको बाक्लो उपस्थिति रहेको मानिन्छ ।

विगत लामो समयदेखि यहाँका कम्युनिष्ट विद्रोहीहरुले फिलिपिन्समा सशस्त्र विद्रोह जारी राखेका छन् ।
 (रासस/सिन्ह्वा)

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds