बौद्धिक सम्पत्ति संरक्षण समाजमा ज्ञवाली

krishna gewaliकाठमाडौँ, फागुन २९ गते । बौद्धिक सम्पत्ति संरक्षण समाजको विशेष साधारणसभाले पूर्वउद्योग सचिव कृष्ण ज्ञवालीको अध्यक्षतामा नयाँ कार्यसमिति चयन गरेको छ । साधारणसभाले उपाध्यक्षमा अधिवक्ता अन्जु उप्रेती ढकाल, महासचिवमा उद्योग विभागका पूर्वनिर्देशक तथा बौद्धिक सम्पत्ति विज्ञ मधुसुदन पौडेल, सचिवमा अधिवक्ता रामचन्द्र गौतम तथा कोषाध्यक्षमा एनसेलका प्रमुख कानुन अधिकृत अम्बरबहादुर थापालाई निर्वाचित गरेको छ । 

समितिका सदस्यमा नेपाल सरकारका पूर्वसहसचिव रमेशकुमार अधिकारी, नेपाल सरकार प्रदेश नं. २ का आर्थिक मामिला तथा योजना सचिव बिसुकुमार केसी, चिकित्सक डा. आशा थापा, काठमाडौँ विश्वविद्यालयका शिक्षक कमल पोखरेल र जडीबुटी उत्पादन तथा प्रशोधन कम्पनी लि. का वरिष्ठ अधिकृत उषा रिजाल रहनुभएको छ । समाजका निवर्तमान संस्थापक अध्यक्ष तथा पूर्वउद्योग सचिव भरतबहादुर थापा समितिमा पदेन सदस्यका रूपमा रहनुहुने नवनिर्वाचित अध्यक्ष कृष्ण ज्ञवालीले जानकारी दिनुभयो ।
बौद्धिक सम्पत्ति अन्तर्गत प्रतिलिपि अधिकारका साथै ट्रेडमार्क, पेटेन्ट, डिजाइन, भौगोलिक सङ†केत जस्ता अन्य औद्योगिक सम्पत्ति पर्दछन† । देशमा उद्योगधन्दाको विकासका लागि लगानी प्रवद्र्धन, वैदेशिक व्यापार विस्तार, स्वस्थ एवं गुणात्मक प्रतिस्पर्धालाई प्रोत्साहन तथा मौलिक सिर्जना र प्रतिभाको सम्मान गरी आर्थिक एवं सांस्कृतिक समृद्धि हासिल गर्नका निम्ति बौद्धिक सम्पत्तिसम्बन्धी अधिकारको संरक्षण तथा सम्बद्र्धन अपरिहार्य रहेको ज्ञवालीले बताउनुभयो ।
यसै कार्यमा सरकारलाई नीतिगत पृष्ठपोषण गर्ने र उत्पादक, सर्जक तथा उपभोक्तामाझ पर्याप्त चेतना र ज्ञानको विकास र विस्तार गर्ने उद्देश्यबाट छ वर्षअघि यो संस्थाको स्थापना भएको उहाँले बताउनुभयो ।

 

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds