सूचना प्रविधिको अधिकतम प्रयोग गर्न जोड

Yogesh_Bhattaraiकाठमाडौँ,फागुन १० गते । सूचना तथा प्रविधिको अधिकतम प्रयोग गरेर देशलाई समृद्व बनाउनु पर्नेमा जोड दिइएको छ ।  तराई विकास तथा सञ्चार केन्द्र नेपालद्वारा ललितपुरमा बुधबार आयोजित ‘नेपालमा सूचना प्रविधि प्रयोगको अवस्था र चुनौतीहरु’ विषयक अन्तक्र्रियामा बोल्दै नेकपा एमालेका सचिव योगेश भट्टराईले नयाँ सरकारको प्राथमिकतामा सूचना प्रविधि पर्ने बताउँदै यसको अधिकतम प्रयोग गर्नुपर्नेमा जोड दिनुभयो । 

उहाँले अहिले पार्टी र नेताको व्यवस्थापन नभई मुलुकको समृद्वि र देशको आत्मविश्वास बढाउने काम गर्नुपर्ने बताउँदै विगतमा राजनीतिक स्थायित्व नहुँदा राज्यले आत्मविश्वास बढाउन नसकेको प्रष्ट पार्नुभयो ।
सचिव भट्टराईले सूचना तथा प्रविधिको विकाससँगै जोखिम पनि बढेको बताउँदै सुरक्षाको संवेदनशिलतातर्फ पनि ध्यान दिनुपर्नेमा जोड दिनुभयो । सेवाले पुँजी उत्पादन गरेसँगै त्यसले राष्ट्रिय पुँजीलाई कति टेवा दियोभन्ने तर्फ ध्यान दिन आग्रह गर्नुभयो ।
राष्ट्रिय सभा सदस्य रामनारायाण विडारीले सूचना तथा प्रविधि सम्बन्धी विद्यमान कानूनमा कमी भए त्यसालाई संशोधन गरेर अघि बढन सकिने बताउनुभयो ।
नेपाल प्रहरीका अतिरितm प्रहरी महानिरिक्षक पुष्कर कार्कीले प्रविधिको विकाससँगै सुरक्षामा चूनौती थपिएको बताउँदै प्रहरीको क्षमता अभिवृद्विमा जोड दिनुपर्ने बताउनुभयो । उहाँले विद्युतिय कारोबार ऐनलाई टेकेर काम गरिरहेको बताउँदै त्यसमा संशोधन आवश्यकता रहेको बताउनुभयो ।
सूचना प्रविधि विभागका महानिर्देशक लक्ष्मी यादवले ७५३ स्थानीय निकायलाई सूचना प्रविधिमैत्री बनाइने बताउनुभयो । दूरसञ्चार प्राधिकरणका सदस्य मणि चौलागाईले हाल ६ वटा मोवाइल प्रदायक कम्पनी रहेकोमा दुईवटाले मात्र ९३ प्रतिशत क्षेत्र ओगटेको बताउनुभयो । उहाँले सूचना प्रविधिको क्षेत्रलाई नियमन गर्ने र काम गर्ने निकाय छरिएर रहेकोले त्यसलाई एकीकृत गर्नुपर्ने बताउनुभयो ।
‘डिजिटल नेपाल’को अवधारणा अघि ल्याउँदै उहाँले भन्नुभयो,यसलाई अघि बढाउन सकिए देशको कुल ग्राहस्थ उत्पादनमा वृद्वि गर्न सकिन्छ । सञ्चार केन्द्रका अध्यक्ष गोविन्दप्रसाद चौलागाइको सभापतित्वमा भएको कार्यक्रममा नेपाल विद्युत प्राधिकरणका कार्यकारी निर्देशक कुलमान घिसिङ, प्रविधि विज्ञ मनिष पोखरेल लगायतले सूचना प्रविधिको अवसर र चुनौतीका बारेमा आ-आफ्नो धारणा राख्नु भएको थियो ।

 

थप समाचार
प्रतिकृया
नाम

ईमेल

ठेगना