ओलीलाई प्रधानमन्त्री बनाउने एमालेको निर्णय

लक्की चौधरी

काठमाडौंँ, फागुन ३ गते । नेकपा (एमाले) आगामी गठबन्धनको सरकारमा अध्यक्ष केपी शर्मा ओलीलाई प्रधानमन्त्रीको उम्मेदवार बनाउने सर्वसम्मत निर्णय गरेको छ । मानभवनस्थित एक कार्यकर्ताको निवासमा बसेको एमाले स्थायी कमिटीको आकस्मिक बैठकले यस्तो निर्णय गरेको हो । अध्यक्ष ओली र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच केही दिनदेखि एक्लाएक्लै वार्ता भइरहेको सोही निवासमा एमालेको बुधबार बैठक बसेको थियो ।
बैठकले अध्यक्ष ओलीलाई आगामी प्रधानमन्त्रीको उम्मेदवार बनाउने निर्णय गरेको उपाध्यक्ष अष्टलक्ष्मी शाक्यले जानकारी दिनुभयो । बैठकमा दुई अध्यक्षबीच भइरहेको पार्टी एकताका विभिन्न मोडलको विषयमा अध्यक्ष ओलीले स्थायी कमिटीका सदस्यहरुलाई जानकारी गराउनुभएको शाक्यले बताउनुभयो । KP-Oli
उपाध्यक्ष शाक्यका अनुसार अहिलेसम्म भएको वार्ताको प्रगति र भइरहेको एकता प्रक्रियाका विषयमा अध्यक्ष ओलीले बैठकलाई जानकारी गराउनुभयो र स्थायी कमिटी सदस्यहरुको सुझाव समेत माग्नुभएको थियो ।
निर्वाचन आयोगले प्रतिनिधिसभा निर्वाचनको परिणाम राष्ट्रपति विद्यादेवी भण्डारीलाई बुझाउने तयारी गरेपछि एमालेले आगामी सरकार गठनको प्रक्रिया अगाडि बढाउन अध्यक्ष ओलीलाई प्रधानमन्त्री बनाउने निर्णय गरेको हो । प्रतिनिधिसभामा एकै दलको बहुमत नभए पनि एमाले र माओवादी केन्द्र सम्मिलित वाम गठबन्धनको स्पष्ट बहुमत रहेको छ । २७५ सदस्यीय प्रतिनिधिसभामा एमालेको १२१ र माओवादी केन्द्रको ५३ सांसद छन् ।

थप समाचार
प्रतिकृया
नाम

ईमेल

ठेगना