• १६ चैत २०८०, शुक्रबार

घोडाघोडी नगर फुटबल समितिमा शाही

blog

कैलालीको घोडाघोडीमा नगर फुटबल तदर्थ समितिका पदाधिकारीहरु । तस्बिर : गोरखापत्र

चाँदनी आचार्य

घोडाघोडी(कैलाली) पुस ३ गते । कैलालीको घोडाघोडीमा नगर फुटबल तदर्थ समिति गठन गरिएको छ । आइतबार एक कार्यक्रमका बीच गणेश शाहीको अध्यक्षतामा २१ सदस्यीय समिति गठन गरिएको हो ।

समितिको उपाध्यक्षमा छत्र बुढा र रोहितबहादुर साउँद रहेका छन् । त्यस्तै, सचिवमा अमित बोगटी, कोषाध्यक्षमा कल्पना विष्ट, सहसचिवमा प्रेम कैनी र लोकेन्द्रबहादुर शाही रहेका छन् ।

समितिको सदस्यमा नारायण श्रेष्ठ, आयुष जोशी, दीपक बोहरा, बलराम खत्री, विवेक शाही, लाल बहादुर चौधरी, धिरज भन्डारा, वीरबहादुर रावल, योगेश चौधरी, गोपी शाही, खेमराज बम, दीपेन्द्र गौतक, किरण विष्ट, नरेन्द्र कठायत र चक्र थापा रहेका छन् ।

कैलाली जिल्ला फुटबल सङ्घका जिल्ला सदस्य होम तामाङको संयोजकत्वमा नगर स्तरीय तदर्थ समिति गठन गरिएको हो । घोडाघोडी नगरपालिकाका प्रमुख खडक रावत, उपप्रमुख गुलिया देवी चौधरी र शिक्षा शाखा प्रमुख खगेन्द्रबहादुर सिंहको उपस्थितिमा समिति गठन गरिएको थियो ।

समितिका सदस्य तथा पदाधिकारीहरूलाई शुभकामना र बधाई दिँदै नगर प्रमुख रावतले आगामी दिनमा खेलाडीहरूका लागि विभिन्न कार्यक्रमहरू ल्याउने बताउनुभयो । जिल्ला फुटबल सङ्घका जिल्ला सदस्य तामाङकाले नव निर्वाचित अध्यक्ष शाहीलाई माइनेट हस्तान्तरण समेत गर्नुभएको थियो ।