विधेयकमा जुटेन सहमति

काठमाडौँ, असोज २७ गते ।  दलहरूबीच निर्वाचन प्रणालीमा विवाद भएपछि राष्ट्रिय सभा सदस्य निर्वाचन विधेयक संसद्बाट पारित हुनेमा आशङ्का बढेको छ ।  आकस्मिक घटनाक्रम नभए संसद्को शुक्रबारको बैठक नै रूपान्तरित संसद्को अन्तिम बैठक हुनेछ ।  तर, राजनीतिक दलबीच विधेयकका प्रावधानको विषयमा कुनै पनि सहमति भएको छैन ।
विधेयकका प्रावधानमा सहमतिको प्रयासस्वरूप प्रमुख दलका शीर्ष नेता शुक्रबार बिहान छलफल गर्दैछन् ।  छलफलपछि पनि विधेयकमा सहमति नभए राष्ट्रिय सभा सदस्य निर्वाचन कानुन अध्यादेशमार्फत जारी हुने विकल्प रहनेछ ।  विधेयक संशोधन दर्ता भई दफावार छलफलको चरणमा छ ।  समयसीमा अभावका कारण संसद्मा नै दफावार छलफल गर्ने गरी विधेयक संसद्मा पेस भइसकेको छ ।   
काँग्रेस संसदीय दलका प्रमुख सचेतक चिनकाजी श्रेष्ठले शुक्रबार विधेयकमा सहमतिको अन्तिम प्रयास हुने बताउनुभयो ।  श्रेष्ठले भन्नुभयो, “विधेयकमा सहमतिको प्रयास जारी छ ।  सहमति नभए सरकारले अध्यादेशको प्रबन्ध गर्छ । ”
एमाले प्रमुख सचेतक भानुभक्त ढकालले आफैँले पारित गरेर ल्याएको विधेयकमा काँग्रेसले विरोध गर्नुको अर्थ नभएको बताउनुभयो ।  ढकालले भन्नुभयो, “विधेयक पारित गर्नुपर्ने हो तर सत्तारूढ दलकै विरोधका कारण पारित भएको छैन ।  कसरी निर्वाचन गर्ने हो, प्रबन्ध सरकारले नै गर्ला । ”
के हो विवाद ?
संसद्मा विचाराधीन मूल विधेयकले अहिले संविधानको धारा ८६ को व्यवस्थाअनुसार नै राष्ट्रियसभा सदस्य छनोट गर्ने विधि तय गरेको छ ।  संसद्मा पेस भई पारितको प्रक्रियामा भने उक्त निर्वाचन प्रणालीमा विवाद भएको छ ।  काँग्रेसले अहिले एकल सङ्क्रमणीय मतका आधारमा सदस्य छनोटको अडान राखेको छ ।  तर, एमाले र माओवादी प्रस्तावको विपक्षमा छन् ।  

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds