महँगिए भेडा–च्याङ्ग्रा

नवीनराज कुइँकेल

 

बेसीसहर, असोज ८ गते । दसैँका लागि बाहिरी जिल्लाबाट ल्याइएका भेडा–च्याङ्ग्रा निकै महँगो परेको उपभोक्ताले बताएका छन् ।  मनाङ, मुस्ताङ र गोरखाबाट ल्याइएका भेडा–च्याङ्ग्रा किलोको एक हजार रुपियाँभन्दा बढी पर्न गएको उपभोक्ता बताउँछन्् । बेसीसहर शेरा बस्ने जीवी घिमिरेले आफूले किनेको च्याङ्ग्राको मूल्य किलोको एक हजार रुपियाँभन्दा बढी परेको बताउनुभयो । २५ हजार रुपियाँमा किनेको च्याङ्ग्रा २४ किलो पनि पुगेन, घिमिरेले भन्नुभयो, किलोको एक हजार रुपियाँभन्दा बढी प¥यो । चीनको तिब्बतबाट ल्याइने च्याङ्ग्रालाई यहाँका व्यापारीले मुस्ताङको लेते र गोरखाको लार्केमा गएर ल्याउँछन्् । तीन चार वर्षयता मनाङको नाकाबाट कमै मात्रामा च्याङ्ग्रा आएको व्यवसायीले बताएका छन्् । उनीहरूका अनुसार मनाङको फू नाकाबाट ल्याउँदा चार÷पाँच दिनमा च्याङ्ग्रा बेसीसहर ल्याउन सकिन्छ तर लेते र लार्केबाट ल्याउँदा मुस्किलले छ÷सात दिन लाग्छ र ढुवानी बढी खर्च हुन्छ । ठूला व्यापारीहरूले तिब्बतबाट मुस्ताङका विभिन्न ठाउँमा ल्याएको च्याङ्ग्रालाई स्थानीय व्यवसायीले लेतेबाट बेसीसहरलगायतका बजारमा ल्याएका हुन् । लार्केबाट ल्याइएको च्याङ्ग्रा अहिले मनाङ र लमजुङको सिमाना धारापानी क्षेत्रमा आइपुगेको व्यवसायीले बताएका छन्् ।
व्यवसायी कुलप्रसाद भुषालले तीन÷चार वर्षअघि मनाङको नाकाबाट च्याङ्ग्रा ल्याइएकोमा यसपटक मुस्ताङको लेतेबाट ल्याएको बताउनुभयो । मनाङबाट ल्याउँदा बाटो नजिक भए पनि अप्ठ्यारो रहेको, खोलामा खस्ने र चोर लाग्ने समस्या रहेको बताउनुभयो । व्यवसायीहरूले प्रतिगोटा २२ हजार रुपियाँमा खरिद गरेर यहाँ २५÷२६ हजार रुपियाँमा वि.बक्री गर्ने गरेका छन्् । लमजुङमा पछिल्लो तीन÷चार वर्ष च्याङ्ग्रा नआएकोमा अहिले ल्याइएपछि उपभोक्ताले खुसी मानेका छन्् तर भाउ बढेको उनीहरूको गुनासो छ । गत वर्षहरूमा दसैँलाई लक्षित गरेर सदरमुकाम बेसीसहरमा खसीबोका हाटबजार लगाइने गरिए पनि यसपटक भने हाटबजार सञ्चालन भएको छैन् । हाटबजार सञ्चालन नहुँदा उपभोक्ता महँगोमा खसीबोका किन्न बाध्य छन्् । गाउँघरमा जिउँदो खसीबोका २० किलोसम्मका लागि प्रतिकेजी ४२० र त्यसभन्दा माथिकोलाई प्रतिकेजी ४२५ रुपियाँमा किनमेल भएको जिल्ला पशु सेवा कार्यालयका प्रमुख डा. लक्ष्मण ढकालले बताउनुभयो ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds