अष्ट्रिचको मासु प्रयोग

डा. केदार कार्की

 

आजभोलि आम उपभोक्ता एवं जनसमुदायमा स्वस्थ्यकार खाद्य सामग्रीप्रति जनचेतना भएको हँुदा यसको मासुको भाग बढ्दो छ । अन्य पशुपक्षीमा बेलाबेलामा देखापर्ने विविध खाले सङ्क्रामक सरुवा तथा सम्र्पकित रोगका कारण विकल्पको रूपमा यसतर्फ आर्कषित हुन पुगेका छन् । अष्ट्रिचको मासुमा बोसो न्यून १.५ प्रतिशतभन्दा कम हुन्छ अरू खाले मासुसँग तुलना गर्दा यो गाढा रातो नरम तथा सुगन्धित शिकार गरिने मृग चित्तलको जस्ता स्वादको हुन्छ, जसबाट विविधखाले मासुका परिकार बनाउन सकिन्छ ।
यसको मासुको संवाद थोरै समयमा पकाउँदा बढेर जान्छ बरु अन्यखाले मासुजस्तो गरी धेरै समय पकाए स्वाद खल्लो तथा मासु चाम्म्रो भएर जान्छ । बढी प्रयोगमा ल्याइने मासुको लागि यस प्रजातिको भाग तीघ्राको मासपेशी तथा पिढ्युको मासुपेशी मानिन्छ । छाती तथा मेरुदण्ड तथा घाटीकाटी मासु हाडसहित हुने हुँदा झोल हालेर सुप खान सकिन्छ । यसको मासु कोलेस्टेरोलमुक्त हुन्छ । यदि व्यवसायीले यसको मासुको उपयोगिताबारे आम जनमानसको घरेलु प्रयोजन तथा होेटल रेस्टुरेन्ट पार्टी प्यालेसका खानाको सूचीपत्रमा समावेश गराउन प्रचारप्रसार एवं प्रवद्र्धन गर्ने हो भने यसबाट धेरै फाइदा लिन सकिन्छ । आजका आम उपभोक्तामा स्वस्थ्य शुद्ध स्वच्छ खानेकुराप्रति देखिएको जागरुकताले गर्दा अष्ट्रिचको मासुको माग बढ्ने निश्चित छ । यसै पनि यो चराको मासुलाई एथेलेटिकस मिट मासु भनिन्छ । त्यसबाहेक यस वैकल्पिक औषधिप्रति जनमानसमा देखिएको बढ्दो अभिरुचिका कारण यस चराबाट उत्पादित बोसोबाट प्रशोधित तेलमा हुने ओलेयिक एसिड जसले जोर्नीमा हुने हँुदा यसले यथेष्ठ व्यापारिक सम्भावना बोक्छ ।
अष्ट्रिचको बोसोबाट उत्पादित तेल
अष्ट्रिचको तेलमा पालमिटिग एसिड बाइस प्रतिशत पालमिटोलेइक एसिड पाँच प्रतिशत स्टीइरिक एसिड आठ प्रतिशत ओलेइक एसिड ४३ प्रतिशत लिनोलेइक एसिड बीस प्रतिशत लिनोलेनिक एसिड दुई प्रतिशत हुने गर्छ । अष्ट्रिचको तेल भिटामिन ए र इ तथा ओमेगा एसिड तीन ६ र नौको प्रचुरता भएको प्राकृतिक स्रोेत मानिन्छ । यसमा एन्टी इफलामेटेरी गुण हुने गर्छ र छालामा दल्दा भित्रसम्म पस्न सक्ने क्षमता हुन्छ ।
साधारण मर्केको दुखेको साथै घाउ चाडै निको पार्छ प्रतिकूल मौसमी अवस्थामा आवाहुरी तथा सूर्यको तापबाट छालालाई रक्षा गर्ने हुँदा छालामा लगाउने क्रिम लोसनको रूपमा प्रयोग गर्न सकिन्छ । यो तेललाई सौन्दर्य प्रशोधन तथा स्वास्थ्य प्रशाधनका सामग्री जस्तै स्याम्पु साबुन बनाउन प्रयोग गर्न सकिन्छ यसको तेलले मुटुको धड्कन रगतको चाप रगत जम्ने गर्भ ठह¥याउने शरीरका क्रियाकलापलाई टेवा दिन्छ ।
यसको तेल डण्डीफोर बाथको रोग जोर्नीसम्बन्धी रोग फाइव्रोमाइएलजीया सिरोसीस खुट्टाको पैताला फाट्नेजस्ता अवस्थाको उपचारका लागि प्रयोग गरिन्छ भने दाग खतको उपचार तथा पूर्ण दुखाइ व्यवस्थापनमा उपयोगी मानिन्छ । त्यसकारण शुद्ध प्राकृतिक रूपमै प्रयोग गर्न सकिन्छ । साथै सौन्दर्य प्रसोधन तथा औषधीजन्य उत्पादन गर्ने उद्योगमा खपत हुने गर्छ । अष्ट्रिचको तेलले जीवाणुको सङ्ख्या वृद्धिमा अवरोध गर्छ । यसको तेल लगाउँदा छाला च¥याउने पोल्नेजस्तो केही हुँदैन ।

 प्रकाशित मिति: २०७४/६/७

थप समाचार
प्रतिकृया
नाम

ईमेल

ठेगना