शुक्रबार सामाजिक सेवा दिवस

काठमाडौंँ, असोज ४ गते । समाजकल्याण परिषद्ले ‘शान्ति र समृद्धि सबैको चाहना, समाज सेवामा निःस्वार्थ भावना’ भन्ने नाराका साथ असोज ६ गते ‘सामाजिक सेवा दिवस’ मनाउने भएको छ । 

सो दिन आयोजना हुने समारोहलाई राष्ट्रपति विद्यादेवी भण्डारीले सम्बोधन गर्नुहुने छ । २०३४ साल असोज ६ गते स्थापना भएको परिषद्को यो ३८औँ दिवस हो ।
महिला, बालबालिका तथा समाजकल्याणमन्त्री एवं परिषद्का अध्यक्ष आशा कोइरालाले मङ्गलबार पत्रकार सम्मेलनको आयोजना गरी सामाजिक सेवालाई राष्ट्रिय जीवनको अभिन्न पक्ष बनाउन यो दिवसको अवसरमा प्रयास गरिने बताउनुभयो ।
समाजसेवी तुल्सीमेहर श्रेष्ठको स्मृतिमा स्थापित तुल्सीमेहर समाजसेवा पुरस्कारको सोही दिन वितरण गरिने भएको छ ।
समाजको सर्वाङ्गीण विकासका लागि सामाजिक सेवा महìवपूर्ण पक्ष भएकाले परिषद्ले गैरसरकारी सङ्घसंस्था तथा संस्थाबाट सञ्चालित कार्यक्रमहरूको सुपरिवेक्षण, अनुगमन, मूल्याङ्कनसँंगै सहजीकरण गर्दै आएको उहाँले जानकारी दिनुभयो ।
सरकारले राष्ट्रिय तथा अन्तर्राष्ट्रिय गैरसरकारी सङ्घ संस्थाहरूका लागि एकद्वार नीति लागू गरेपछि परिषद्मा आबद्ध भई मुलुकमा सामाजिक क्षेत्रमा कार्यरत संस्थाहरूको सङ्ख्या ४६ हजार १८८ पुगेको छ । तीमध्ये दुई हजार ६५१ वटाले मात्र नवीकरण गरेका छन् ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds