• १६ चैत २०८०, शुक्रबार

बाँकेमा कांग्रेसको अग्रता, अथक र राई पछाडि

blog

कांग्रेसका किशोरसिंह राठौले र राप्रपाका धवल शम्शेर राणा । तस्विर : सिराज खान ।

सिराज खान
नेपालगञ्ज, मङ्सिर ६ गते । 
बाँकेको तीन वटै निर्वाचन क्षेत्रमा जारी रहेको मतगणनामा नेपाली कांग्रेसका सह महामन्त्री किशोरसिंह राठौले अग्रता लिनुभएको छ । राठौरलाई युवा तथा खेलकुद मन्त्री महेश्वर गहतराज अथक र पूर्वमन्त्री ईश्तियाक राईले पछ्याइ रहनुभएको छ ।

बाँके ३ बाट उम्मेदवार हुनुभएका राठौर सुरुदेखि नै एमालेका उम्मेदवार किस्मतकुमार कक्षपतिसँग पछाडि हुनुहुन्थ्यो भने मङ्गलबार बिहान दुई सय मतले अग्रता लिन सफल हुनु भएको हो ।

हालसम्म १९ हजार ३२९ मतको गणना भएकोमा राठौरले सात हजार ४६५ मत प्राप्त गर्नुभएको छ भने एमालेका कक्षपतिले सात हजार २४३ मत प्राप्त गर्नु भएको छ ।

तेस्रो स्थानमा राष्ट्रिय स्वतन्त्र पार्टीका उम्मेदवार देवेन्द्रनाथ शुक्लाले दुई हजार ६२९ मत प्राप्त गर्नुभएको छ । सो क्षेत्रबाट ७४ हजार २१३ मत खसेको छ ।

यसैगरी, क्षेत्र नम्बर १ बाट अथक एमालेका उम्मेदवार सूर्य ढकालसँग एक हजारभन्दा बढी मतले पछाडि पर्नुभएको छ ।

ढकालले चार हजार २८८ मत पाउनु भएको छ भने सत्ता गठबन्धनका मन्त्री अथकले तीन हजार २७२ मत पाउनु भएको छ ।

सोही प्रकारले बाँके क्षेत्र नम्बर २ मा राप्रपाका महामन्त्री धवल शमशेर राणाले जसपाका उम्मेदवार राईलाई पाँच हजार मतले पछाडि पार्नु भएको छ ।

राणाले १३ हजार ३५५ मत प्राप्त गर्नु भएको छ भने राईले आठ हजार ५५९ मत प्राप्त गर्नुभएको छ । कांग्रेसका सुदिप राणाले एक हजार ७५९ मत प्राप्त गर्नुभएको छ । सो क्षेत्रबाट ६७ हजार मत खसेको छ ।