• १६ चैत २०८०, शुक्रबार

ताप्लेजुङमा आगलागी हुँदा लाखौँको क्षति

blog

फाइल तस्बिर

फुङ्लिङ, कात्तिक ११ गते । ताप्लेजुङको सिदिङ्वा गाउँपालिका–७ सुरुम्खिममा एक घरमा आगलागी हुँदा लाखौँ मूल्य बराबरको क्षति भएको छ । भाइटीकाको दिन बुरुम्खिम टोलका स्थानीय भीष्मराज खुदाङको घर जलेर नष्ट भएको हो ।

बिहीबार दिउँसो भएको आगलागीबाट घर पूर्णरूपमा जलेर नष्ट भएको सुरुम्खिमका वडाध्यक्ष लक्ष्मण तामाङले बताउनुभयो । आगलागीबाट घरभित्र भएको खाद्यान्न, लत्ताकपडा, भाँडा वर्तनलगायतका अन्य सम्पूर्ण सामग्री जलेर नष्ट हुँदा अनुमानित रु १५ लाख बढीको क्षति भएको हुनसक्ने तामाङले जानकारी दिनुभयो ।

क्षतिको यकिन विवरण भने आइनसकेको उहाँले बताउनुभयो । आगलागीको कारण पनि खुल्न नसकेको वडाध्यक्ष तामाङले जानकारी दिनुभयो ।