माइक्रो कम्प्युटर नेपालमै उत्पादन गर्ने

Muni Shakya Computer

अजय शर्मा
काठमाडौँ, असार ५ गते । नेपालमै कम्प्युटर बन्छ भन्दा तपाईंलाई अचम्म लाग्न सक्छ, तर यो सत्य हो । सूचना प्रविधि क्षेत्रमा निरन्तर खोज अनुसन्धान गर्ने अनुसन्धानकर्ता मुनि शाक्यले सरकारको साथ र सहायोग भएमा नेपाललाई चाहिने माइक्रो कम्प्युटर नेपालमै उत्पादन गर्ने दावी गर्नुहुन्छ ।
“राज्यले लगानी गरिदिने हो भने नेपालीको आवश्यकता पुरा हुने गरी माइक्रो कम्प्युटर उत्पादन गर्न सक्छु । मसँग प्रविधि छ, त्यसका लागि प्रयाप्त लगानी र भौतिक पूर्वाधारको खाँचो छ । मसँग भएका सबै उपकरण र प्रविधि सरकारलाई हस्तान्तरण गर्न चाहन्छु । राज्यले पहिचान दिए जीवनको अन्तिम समयसम्म निस्वार्थ भएर विज्ञान तथा सूचना–प्रविधि क्षेत्रमा लाग्ने मेरो इच्छा छ” ७२ बर्षिय शाक्यले भन्नुभयो ।
कम्प्युटर उत्पादन गर्ने अन्तर्राष्ट्रिय कम्पनी आइबीएमले माइक्रो कम्पयुटर उत्पादन गर्नु भन्दा २ वर्ष पहिले नै नेपालमा माइक्रो कम्प्युटर निर्माण गरेका शाक्यले हाल ३५ वाटमा चल्ने ग्रीन कम्प्युटर बनाएर सफल प्रयोग समेत गरिसक्नु भएको छ ।
अनुसन्धानकर्ता शाक्यले पछिल्लो समयमा नेपालमै बनाएका कम्प्युटर आकारमा साना तर क्षमतावान ग्रीन कम्प्युटर ३५ वाटमै चल्छन् । जसलाई एउटा सानो सोलार प्यानलबाट कम्तीमा दैनिक १० देखि १८ घण्टासम्म चलाउन सकिन्छ । यी ग्रीन कम्प्युटरमा डुअल कोर, कोरआई थ्री, कोइरआई फाइभ माइक्रो प्रोसेसर, २ जीविदेखि १६ जीविसम्मको ¥याम र ५ सय जिवि देखि १ टेरावाईट क्षमताको हार्डडिक्स समावेश गरिएका ग्रीन कम्प्युटर निर्माण गरिन्छन् । यी ग्रीन कम्प्युटरको क्षमता र आवश्यकता हेरेर ३० हजारदेखि माथीको मुल्यमा विक्रि हुने गरेका छन् ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds