गणेश खनाल
अर्घाखाँची, असोज २६ गते । अर्घाखाँचीमा खोलाले बगाउँदा एक जनाको मृत्यु भएको छ । छत्रदेव गाउँपालिका–३ का ६५ वर्षीय धनबहादुर घर्तीलाई स्थानीय बेङ्दि खोलाले बगाउँदा मृत्यु भएको हो ।
गोरु चराउनका लागि खोला तर्ने क्रममा घर्तीलाई बगाएको जिल्ला प्रहरी कार्यालय अर्घाखाँचीका प्रमुख मुकुन्द रिजालले जानकारी दिनुभयो ।
खोलाले बगाएर बेपत्ता हुनुभएका घर्तीको खोजतलास गर्दा घटनास्थलदेखि १० किलोमिटर तल धोबीघाटमा शव फेला परेको प्रहरीको भनाइ छ ।
