मिर्गौलारोगीद्वारा सहयोगको याचना



काठमाडाँै, भदौ २२ गते। रोल्पाको दुर्गम क्षेत्रमा बस्ने एक मिर्गौला रोगी महिलाले आर्थिक सहयोगको लागि अनुरोध गरेकी छन् ।
ओत गाविस–८ की विनिता ओली विगत एक वर्षभन्दा बढी समयदेखि निरन्तर रुपमा भक्तपुरस्थित मानव अङ्ग प्रत्यारोपण केन्द्रमा डायलसिस गराउँदै आएकी छिन् ।

बिरामी भएपछि पति लालसिंह ओलीले उनलाई भारतको विभिन्न सहरमा उपचार गराउन लगेका थिए तर उनलाई कुन रोग लागेको हो, त्यहाँ पत्ता लग्न सकेन् । अन्त्यमा नेपालमै मिर्गौलाले काम गर्न छोडेको पत्ता लाग्यो ।

अहिलेसम्म ओलीको उपचारमा लाखाँै रुपैयाँ खर्च भइसकेको छ । ज्याला मजदुरी गरेर जीविकोपार्जन गर्दै आएका ओली दम्पत्तीको कुनै आम्दानीका स्रोत छैनन्, जग्गाजमिन पनि थोरै रहेको ओलीका श्रीमान् लालसिंह बताउँछन् ।

उपचारकै क्रममा उनले लाखौँ ऋण लिइसकेका छन् भने चिकित्सिकले विनिताको मिर्गौला प्रत्यारोपण गर्नुपर्ने बताएका छन् । त्यसका लागि रु तीन लाख देखि रु. पाँच लाखसम्म खर्च गर्नुपर्ने केन्द्रले जनाएको छ । तर रकमको अभावमा उनी मिर्गौला प्रत्यारोपण गर्न सक्ने अवस्थामा छैनन् । हाल विनितालाई मासिक रु ५० हजारसम्मको औषधि सेवन गर्नुपर्दछ ।

उनका दुई साना छोरी र बुढीआमा गाउँमै बस्छन् भने ओली दम्पती भक्तपुरको व्यासीमा कोठा भाडामा लिएर बसेका छन् ।

विनिता भन्छिन् “सानो सानो आर्थिक सहयोग पाए मेरो ज्यान बाँच्थ्योकी” । छोरीे र बुढीआमाका लागि भए पनि उनी बाँच्न चाहन्छिन् । बाँच्नका लागि उपचार गराउन सबै दयालु हृदय भएका मानिससँग सहयोगको अपेक्षा उनले गरेकिछिन् ।
उनलाई सहयोग गर्न चाहनेले लालसिंहको मोबाइल नम्बर ९८०८६८६९०३ वा ९८४१३९२९६० मा सम्पर्क गर्नुहुन समेत अनुरोध छ । रासस

थप समाचार
प्रतिकृया
नाम

ईमेल

ठेगना