पाँचबुँदे, बाह्रबुँदे र अन्तरिम संविधानलाई टेकेर सहमति गर्नुपर्छ

bijya kumar gaschyadarगौशाला, फागुन ३ गते । मधेसी जनअधिकार फोरम नेपाल लोकतान्त्रिकका अध्यक्ष विजयकुमार गच्छदारले सर्वपक्षीय संविधान निर्माणका लागि राष्ट्रिय सहमतिको विकल्प नरहेको बताउनुभएको छ ।

गए राति महोत्तरीको सदरमुकाम जलेश्वरमा आयोजित पार्टी प्रवेश कार्यक्रममा नेता गच्छदारले नयाँ संविधान मधेसी, आदिवासी जनजाति, महिला, मुसलमान, पिछडिएको क्षेत्र तथा हरेक वर्ग र समुदायका अधिकारको सम्बोधन गर्ने खालका बनाउने लक्ष्य रहेकाले त्यसका लागि राष्ट्रिय सहमति अपरिहार्य छ भन्नुभयो ।
उहाँले काँग्रेस र नेकपा ९एमाले०ले विगतमा भएका पाँचबुँदे, बाह्रबुँदे र अन्तरिम संविधानलाई टेकेर सहमति र सहकार्यको बाटो अवलम्बन गरेर जाँदा देश, जनताले चाँडै संविधान पाउने तथा देशमा राजनीतिक, आर्थिक, समाजिक स्थिरता कायम हुने विश्वास व्यक्त गर्नुभयो ।

सो अवसरमा नेत्री विभा झाको नेतृत्वमा ४० र रामसपाका पूर्वजिल्ला अध्यक्ष मुजिम राइनका नेतृत्वमा २५ नेता तथा कार्यकर्ता विभिन्न पार्टी परित्याग गरी फोरम ९लोकतान्त्रिक० मा प्रवेश गरेका थिए । रासस

थप समाचार
प्रतिकृया
नाम

ईमेल

ठेगना