हतियारसहित भारतीय पक्राउ





राजविराज, जेठ २६ गते। सप्तरीको झुटकी गाविसबाट हतियारसहित एक जना भारतीय नागरिकलाई प्रहरीले आज पक्राउ गरेको छ ।

पक्राउ पर्नेमा भारतको विहार राज्यअन्तर्गत मधुवनी जिल्ला महदेवा निवासी ३५ वर्र्षीय रमेश यादव रहेको प्रहरीले जनाएको छ ।

गोप्य सूचनाको आधारमा सशस्त्र प्रहरी बल दन्तकाली गण बरमभिया र सशस्त्र प्रहरी पोस्ट बनैनियाँबाट खटिएको संयुक्त टोलीले चेक जाँज गर्दा यादव हतियारसहित पक्राउ परेका हुन् ।

पक्राउ यादवको साथबाट ‘मेड इन युएसए’ लेखिएको सिक्सर पेस्तोल एक थान, त्यसमा प्रयोग हुने तीन राउन्ड गोली बरामद गरिएको छ ।

त्यसैगरी उनको साथबाट एक थान नेपाली र एक थान भारतीय सिम कार्ड तथा एक थान कार्बन मोबाइल बरामद गरिएको सशस्त्र प्रहरी सीमा सुरक्षा कार्यालय राजविराजका प्रहरी निरीक्षक गोकर्णराज भट्टराईले जानकारी दिनुभयो । रासस

थप समाचार
प्रतिकृया
नाम

ईमेल

ठेगना