न्यायाधीश सिफारिस खारेज गर्ने रिट सर्वोच्चमा


काठमाडौँ, जेठ २२ गते ।  न्याय परिषद्ले सर्वाेच्च अदालतका ११ न्यायाधीश नियुक्तिका लागि गरेको सिफारिस खारेजीको मागसहित सर्वाेच्च अदालतमा रिट निवेदन दायर भएको छ ।
संविधानबमोजिम न्याय परिषद्ले पूर्णता नपाइकनै अपूर्ण न्याय परिषद् बैठकले न्यायाधीश सिफारिस निर्णय गरेको भन्दै अधिवक्ता पूर्णचन्द्र पौडेलले शुक्रबार यस्तो रिट निवेदन दायर गर्नुभएको हो ।  सर्वाेच्चका प्रस्तावित ११ न्यायाधीशको सिफारिससँगै तत्कालीन प्रधानमन्त्री सुशील कोइरालाले गर्नुभएको न्याय परिषद् सदस्यमा वरिष्ठ अधिवक्ता रामप्रसाद सिटौलाको सिफारिस फिर्ता र न्याय परिषद् सचिवले परिषद् निर्णयबिना संसदीय सुनुवाइ गर्न संसद् सचिवालयमा दोस्रोपटक पठाउनुभएको पत्रको वैधानिकताबारेमा रिट निवेदनमा प्रश्न
उठाइएको छ ।
रिट निवेदनलाई सर्वाेच्च अदालतका रजिष्ट्रार श्रीकान्त पौडेलले दर्ता गर्न अस्वीकार गर्दै दरपीठ गरिदिनुभएको थियो ।  दरपीठ आदेश बुधबार न्यायाधीश वैद्यनाथ उपाध्यायको इजलासले खारेज गरेपछि रिट निवेदन दर्ता गर्न बाटो खुलेको थियो ।  
अधिवक्ता पौडेलको रिट निवेदन दर्ता भएको बताउँदै सर्वाेच्च अदालतका सहप्रवक्ता तथा उपरजिष्ट्रार विश्वराज पौडेलले त्यसको प्रारम्भिक सुनुवाइका लागि आउँदो आइतबारको पेशी तोकिएको जानकारी दिनुभयो ।  

थप समाचार
प्रतिकृया
नाम

ईमेल

ठेगना