सामान्य विवादमा मामाको हात च्वाट्टै


ध्यान कुलुङ
सङ्खुवासभा, जेठ २१ गते । जिल्लाको स्याबुन–९ दाहाल गाउँमा सामान्य बिवादको क्रममा एक जनाले आफ्नै मामाको हात छिनाएको छ । बिहिबार राती १० बजे २६ बर्षीय भान्जा सन्तोष दाहाल र ३८ बर्षीय मामा दिलकुमार तामाङबीच दाहालकै घरमा सामान्य बिवादको क्रममा मामा तामाङको हात छिनाएको हो ।
तामाङ् घेदुङ संघको स्याबुन गाउँ कमिटी उपाध्यक्षमा दिलकुमार तामाङ निवार्चित भएको विषयमा भनाभन भएपछि भान्जा दाहालले धारिलो हतियार (कट्टी) निकाली प्रहार गर्दा बायाँ हातको कुहिना भन्दा मुनीको भाग टुक्रिएको हो । घटनापछि घाईते तामाङ्लाई जिल्ला अस्पताल खाँदबारीमा सामान्य उपचारपछि थप उपचारको लागि काठ्माण्डौ लगिएको छ ।
घटनास्थलबाट एक थान कट्टी बरामद गरिएको जिल्ला प्रहरी कार्यालय प्रमुख डिएसपी गौतमकुमार केसीले जानकारी दिनुभयो । घटनामा संलग्न दाहाललाई प्रहरीले पक्राउ गरिसकेको उहाँले बताउनुभयो । दाहाललाई मुलुकी ऐनको ज्यान मार्ने उद्योग तथा अंग भंगको महल अनुसार कारवाही अगाडी बढाईने डिएसपी केसीले जानकारी दिनुभयो ।

थप समाचार
प्रतिकृया
नाम

ईमेल

ठेगना