जंगली च्याउ खाएर सात दिनमा सात जनाको मृत्यु


नारायण तुम्बापो
फिदिम, जेठ १९ गते । बर्खायामको सुरुवातसँगै जङ्गलमा पलाउने विषालु च्याउ खाएर पाँचथरमा सात दिनमा सात जनाको मृत्यु भएको छ । जेठ १२ देखि १९ गते बीचको सात दिनमा जिल्लाको आङ्ना, फिदिम र थर्पूवासी सात जनाको मृत्यु भएको हो ।

१८ गते राती मात्रै च्याउ खाएर विरामी हुनु भएकी थर्पू–६ का वर्ष १६ की पुष्पलता मावोको धरान घोपामा उपचार हुँर्द मृत्यु भएको छ । च्याउ खाएरै १९ गते विहान ३ बजे फिदिम–३, का ३५ वर्षीय बसन्त राईको मृत्यु भएको छ । बसन्तसंँगै च्याउ खाएर सिकिस्त विरामी भएका फिदिम–३ का निशेष राईको फिदिममा उपचार हुन नसकेपछि धरान घोपा रेफर गरिएको छ ।

यसअघि जिल्लाको आङ्ना–१, का मनकुमारी माङ्लाक र वीरेन्द्र माङ्लाककी श्रीमती र दुई छोरीको च्याउ खाएर मृत्यु भएको प्रहरीले जनाएको छ । वीरेन्द्रकी पाँच वर्षीया छोरी सोनी माङ्लाकको घोपा क्याम्पमा उपचारको लागि लैजाने क्रममा १२ गते बाटोमै निधन भएको थियो । उहाँकी छोरी वर्ष १३ की कबिता र श्रीमती पदममाया माङ्लाकको पनि उपचारको क्रममा १५ गते शनिबार निधन भएको प्रहरीले जनाएको छ ।

यस्तै नोवेल अस्पताल विराटनगरमा उपचार क्रममा कालुमान माङ्लाककी ३९ वर्षीया श्रीमती मनकुमारीको १५ गते राती भएको बताइएको छ । त्यस्तै थर्पु–६, दारिम्बाका चन्द्रमाया माबोले १४ गते शुक्रबार बेलुकी जङ्गलबाट ल्याएको च्याउ खाँदा उनको ११ वर्षीया छोरी एलिजा मावोको मृत्यु भयो । एलिजाको १५ गतेकै दिउँसो उपचारका क्रममा जिल्ला अस्पताल पाँचथरमा निधन भएको हो । च्याउ खाएरै विरामी परेका चन्द्रमायाको छोरी पुष्पलता माबोको १८ गते राती घोपामा मृत्यु भएको हो । च्याउ खाएर विरामी परेका चन्द्रमायाका छोरी वर्ष ८ का सुलोचना मावो र वर्ष ६ का छोरा प्रशान्त मावोको उपचार भइरहेको छ ।

बिरामीमध्ये प्रशान्तको अवस्था चिन्ताजनक भएपछि उपचारको लागि जिल्ला बाहिर रेफर गरिएको अस्पताल स्रोतले जनाएको छ । यता जिल्लाको कुरुम्बा–४, का देवी कुमार लावतीले जङ्गलबाट ल्याएको च्याउ खाँदा देवीकुमार सहित परिवारका पाँच जना बिरामी परेका छन् । बिरामी हुनेमा उनका श्रीमती वर्ष ४४ की कल्पना लावती, छोराहरु वर्ष २१ का राजेन्द्र लावती, वर्ष १९ का दिपेश लावती र वर्ष १६ का दिनेश लावती रहेका छन् । उनीहरुको झापाको दमक स्थित आम्दा अस्पतालमा उपचार भइरहेको बताइएको छ । त्यसैगरी च्याउ खाएरै याङ्नाम गाविस–२ का ५१ वर्षीय टिकाराम मगर र उहाँको छोरा वर्ष १८ को रमेश मगर भतिज वर्ष २० को गणेश मगर विरामी परेका प्रहरी निरीक्षक रिपेन्द्रकुमार सिंहले बताउनुभयो ।

जिल्लामा वर्षेनी जङ्गली च्याउ खाएर मानिसहरु विरामी पर्नुका साथैे ज्यान पनि जान थालेपछि प्रहरी र स्वास्थ्यकर्मीले जङ्गली च्याउ नखान सर्वसाधरणलाई सुझाब दिएका छन् । कतिपयले विगतदेखि खाइआएको च्याउले नै मात्ने गरेको बताउने गरेको बुझिएको छ । मात्ने र नमात्ने च्याउ छुट्याउन गाह्रो हुने हुनाले जङ्गली च्याउ खानै नहुने जिल्ला कृषि विकास कार्यालयका बरिष्ठ कृषि विकास अधिकृत वेनुप्रसाद प्रसाईले बताउनुभयो ।

 

 

थप समाचार
प्रतिकृया
नाम

ईमेल

ठेगना