केडिया काण्डमा बीरगंजका प्रहरी र सशस्त्र प्रहरी कार्वाहीमा


कन्हैयालाल केसरी
बीरगन्ज जेठ १९ गते । बहुचर्चित सुरेश केडिया अपहरण काण्डमा सीमा क्षेत्रका प्रहरी चौकीमा कार्यरत प्रहरीहरुले कर्तब्यपालनामा असावधान रहेकोे आरोपमा सशस्त्र प्रहरी र जनपथ प्रहरीले सीमा  क्षेत्रका प्रहरी चौकीका प्रमुखसहितका प्रहरीहरुमाथि छानबिन गरि कार्यावाही चलाउने भएको छ ।

घटनाको स्थलगत समिक्षा गरिरहेको सशस्त्र प्रहरीका प्रहरी अतिरिक्त महानिरीक्षक कृष्णकुमार तामाङ्ग र जनपथ प्रहरीका प्रहरी अतिरिक्त महानिरीक्षक केदार प्रकाश साउँदले दिएको  प्रतिबेदनको आघारमा दुबै प्रहरी निकायले भारतको सिमावर्ती क्षेत्रसँग जोडिएको बारा  जिल्लाको प्रहरी चौकी तेलकुँआ र कवही इलाका प्रहरी कार्यालयका प्रमुखसहितका प्रहरीलाई झिकाएर कार्यवाही चलाउन समिति गठन गरेको छ ।

सशस्त्र प्रहरी कार्यालय रुद्रबाहिनी पथलौयाका सशस्त्र प्रहरी नायब महानिरीक्षक बाबुराम पाण्डेले सशस्त्र प्रहरी क्याम्प बिओपी तेलकुाँआका सशस्त्र प्रहरी निरीक्षक हेमराज न्यौपाने र सशस्त्र प्रहरी बेस क्याम्प बिओपी कबही गोठका सशस्त्र प्रहरी नायब निरीक्षक चन्दशमशेर कुवँरलगायत चार जनामाथि छानबिन गरि कार्वाही चलाउन बिओपीबाट झिकाइएको बताउनु भएको छ ।

यस्तै मध्य क्षेत्र प्रहरी कार्यालय हेटौडाका प्रहरी नायब महानिरिक्षक पशुपति उपाध्यायले कबही गोठ प्रहरी चौकीका प्रमुखसहित सबै प्रहरी जवानहरुलाई जिल्ला प्रहरी कार्यालय बारामा झिकाएर प्रहरी निरिक्षक गुरु तिमल्सिनाको सयोजकत्वमा गठन भएको छानबिन समितिले छानबिन गरिरहेकोले समितिले दिएको प्रतिबेदनका आधारका कार्यवाही अगाडी बढाउने बताउनु भएको छ ।

बारा जिल्लाको गढीमाई नजिकको पसहा खोलाबाट अपहरणमा परेका केडिया नेपाली भूमीमा लगभग ४५ मिनेटसम्म रहँदा पनि सीमा क्षेत्रमा रहेका सशस्त्र र जनपथ प्रहरी चौकीमा कार्यरत प्रहरीहरुले सक्रियता नदेखाएका कारण अपहरणकारीहरु भारतीय भूमिमा प्रवेश गर्न सफल भएका थिए ।

थप समाचार
प्रतिकृया
नाम

ईमेल

ठेगना