मोटरसाइकल भन्सारलाई बुझाइयो

बर्दिवास, जेठ १९ गते । जिल्ला प्रहरी कार्यालय महोत्तरीले भन्सार छलेर मुलुकभित्र छिराउने क्रममा नियन्त्रणमा लिइएका चारवटा मोटरसाइकल लिलामी प्रक्रियाका लागि भन्सार कार्यालय भिठ्ठामोडलाई बुझाएको छ । मङ्गलबार भारततर्फबाट अवैधानिक तवरले जलेश्वर नगरपालिकाको भारतीय सीमावर्ती नाकाबाट जिल्लाभित्र छिराउने क्रममा नियन्त्रणमा लिइएका चार थान मोटरसाइकल आवश्यक थप कारबाही र लिलामी प्रक्रियाका लागि भन्सार कार्यालयमा बुझाइएको जिप्रका महोत्तरीले जनाएको हो ।

भन्सारलाई बुझाइएका मोटरसाइकलमा हिरो प्यासन, हिरो होन्डा, पल्सर र प्लाटिना एक÷एक थान रहेको प्रहरीले जनाएको छ । चारवटै मोटरसाइकल अहिलेको बजार मूल्यमा दुई लाख पर्ने जिप्रका महोत्तरीका प्रहरी निरीक्षक नरेश महतोले जानकारी दिनुभयो । रासस

थप समाचार
प्रतिकृया
नाम

ईमेल

ठेगना