तेन्जिङ हिलारी म्याराथन २०१६ को उपाधि आर्मीका बेदबहादुरलाई


सन्तोष राउत
सोलुखुम्बु, जेठ १६ गते । सगरमाथा दिवसका अवसरमा आयोजना गरिएको तेन्जिङ हिलारी म्याराथन २०१६ को उपाधी नेपाल आर्मीका बेदबहादुर सुनार हात पार्नु भएको छ ।
करिब पाँच हजार ३६४ मिटरकोे सगरमाथा आधारशिविरबाट नाम्चे बजारसम्म सुनारले निर्धारित दूरी चार घण्टा १० सेकेन्डमा पुरा गर्नु भएको हो भने नेपाल आर्मीकै भिम गुरुङले चार घण्टा तीन मिनेट २४ सेकेन्डमा निर्धारित दुरी पुरा गर्दै दोस्रो स्थान हासिल गर्नु भएको छ । त्यस्तै, तेस्रो स्थानका लागि सोलुखुम्बुका सुमन कुलुङले चार घण्टा ११ मिनेट ५२ सेकेन्डमा म्याराथुन पुरा गर्नु भएको हो ।

म्याराथुनमा धेरै अगाडी रहेका कुलुङ घाइते भएपछि उहाँले तेस्रो स्थानमा चित्त बुझाउनु गरेको हो । सान्त्वनाका लागि सोलुखुम्बुकै जङ्गवीर कुलुङले चार घण्टा २३ मिनेट १० सेकेन्डमा पुरा गर्नु भएको हो । म्याराथनमा प्रथम हुनेलाई बेलायतले एक लाख रुपियाँ र म्याराथन आयोजक हिमालय एक्सपीडिशनले एक लाख गरी दुई लाख रुपियाँ प्रदान गरिएको छ भने दोस्रो हुनेले ७५ हजार रुपियाँ, तेस्रो भएकाले ५० हजार रुपियाँ नगद सहित प्रमाणपत्र र पदक हात पारेका छन् । १४ औँ सस्करणका रुपमा भएको प्रतियोगतामा ४१ जना नेपाली र १२७ जना बिदेशी धावकहरु सहभागी रहेका थिए ।
नेपालका लागि बेलायती राजदुत रिचार्ड मोरिसले पनि यस म्याराथुनमा मैत्रीपूर्ण सहभागी जनाउनु भएको थियो । नेपाल र बेलायतको सम्बन्ध दुईसय बर्ष पुगेको अवसरसँगै मोरिसले तेन्जिङ हिलारी म्याराथन २०१६ मा भाग लिनु भएको बताइएको छ । उहाँले निर्धारित २१ कि. मि. दूरी चार घण्टा १५ मिनेट ५२ सेकेन्डमा पुरा गर्नु भएको छ ।
बिदेशीले मात्र सहभागिता जनाउने फुल म्याराथुनमा पोल्याण्डका रोबर्ट सेलेंसकि चार घण्टा २४ मिनेट २० सेकेण्डमा दुरी पार गर्दै प्रथम भएका छन् भने फ्रान्सका मिस्टर कास्टिकाले पाँच घण्टा १५ मिनेट ४ सेकेन्डमा दुरी पार गर्दै दोस्रो र अस्ट्रेलियाका जोसेफ विन्सले पाँच घण्टा ४१ मिनेट १२ सेकेन्डमा दुरी पुरा गर्दै तेस्रो भए ।
त्यस्तै, नेपाली र बिदेशी महिला फुलतर्फ ४२ किमि दुरी पार गर्दै सोलुखुम्बुकै   पुर्णिमा राई प्रथम,  निरकला  कुलुङ  दोस्रो र पासाङडोमा शेर्पा तेस्रो भए । बिदेशी र नेपाली महिला तथा पुरुष हापÞm म्याराथनतर्फ २१ किमीको निर्धारित दुरी ३ घण्टा ३० मिनेट १३ सेकन्डमा पार गर्दै जर्मनीका मार्टिन लुडवि प्रथम (पुरुष ), दोस्रो       अस्ट्रेलियाकी डोमनीकु हप्किन्स ३ घण्टा ३२ मिनेट १४  सेकेन्डमा दुरी पार गर्दे दोस्रो र तेस्रो भारतीय महिला रोशनी रायले ४ घण्टा २  मिनेट ८ सेकेन्डमा दुरी पार गर्दै तेस्रो भए ।
त्यस्तै, अल्ट्रा म्याराथनतर्फ सगरमाथा आधार शिबिरबाट नाम्चेसम्मको ६० किमी दुरी नेपाल आर्मीका तिर्थ तामाङले ६ घण्टा ३६ मिनेट १३ सेकेन्डमा पूरा गर्दै प्रथम, नेपाल आर्मीकै पूर्ण तामाङले ६ घण्टा ४५ मिनेट ५ सेकेन्ड पूरा गर्दै दोस्रो र सोलुखुम्बुका डीबी कुलुङले ६ घण्टा ५५ मिनेट २८ सेकेन्डमा दुरी पूरा गर्दै तेस्रो भए ।
फोटोः उपाधी जितेपछि पुरस्कार लिँदै धावक नेपाल आर्मीका बेदबहादुर सुनार ।

थप समाचार
प्रतिकृया
नाम

ईमेल

ठेगना