बजेट कार्यान्वयन चुनौतीपूर्ण

काठमाडौँ, जेठ १६ गते ।  प्रमुख प्रतिपक्ष दल नेपाली काँंग्रेसले बजेट दीर्घकालीन योजना र रणनीतिमा भन्दा वित्तीय अराजकता उन्मुख भएको आरोप लगाएको छ ।  
सरकारले व्यवस्थापिका–संसद्मा पेस गरेको आर्थिक वर्ष २०७३/७४ को वार्षिक बजेट सत्तारूढ दलको राजनीतिक अभिष्ट पूरा गर्ने लक्ष्यमात्र देखिएकोसमेत प्रमुख प्रतिपक्षी काँग्रेसको आरोप छ ।  सत्तारूढ दल राष्ट्रिय प्रजातन्त्र पार्टी नेपालले बजेटप्रति असन्तुष्टि जनाएको छ ।
बजेटपछि प्रतिक्रिया दिनुहँुदै पूर्वअर्थमन्त्री डा. रामशरण महतले बजेट उत्पादनभन्दा वितरणमुखी भएको बताउनुभयो ।  महतले बजेट उपभोग र वितरणमा मात्र आधारित भएकाले वित्तीय अराजकता उत्पन्न गर्ने टिप्पणी गर्नुभयो ।  उहाँले भन्नुभयो, “उत्पादनका कुनै पनि भरपर्दा योजना छैनन्, सबै उपभोग र वितरणमा आधारितमात्र छन् ।  यसले वित्तीय अराजकता ल्याउँछ । ” Ram-sharan-Mahat.1 jpg
पूर्वअर्थमन्त्री महेश आचार्यले सत्तारूढ दलको राजनीतिक अभिष्ट पूरा गर्ने बजेट केन्द्रित भएको टिप्पणी गर्नुभयो ।  आचार्यले ठूलो आकारको बजेट कार्यान्वयन गर्न सरकारको ल्याकत नरहेको बताउनुभयो ।  Mahesh Acharya banmantri
उहाँले भन्नुभयो, “सत्तारूढ दलको राजनीतिक केन्द्रित भयो ।  यसले मूल्यवृद्धिमा चाप थप्छ । ”  एमाले नेता तथा पूर्वअर्थमन्त्री भरतमोहन अधिकारीले बजेट महìवाकाङ्क्षी र प्रचारमुखी भए पनि कार्यान्वयन गर्न सके आर्थिक समृद्धिको ढोका खोल्ने बताउनुभयो ।  अधिकारीले विगतमा ल्याइएका कार्यक्रमको पनि निरन्तरता रहेको र नयाँ योजना पनि समेटिएको बताउनुभयो ।  उहाँले भन्नुभयो, “महìवाकाङ्क्षी छ तर कार्यान्वयन गर्न सके हाम्रो आर्थिक समृद्धिको ढोका खोल्ने खालको छ । ” Bharat mohan Adhikari
राप्रपा नेपालका प्रमुख सचेतक दिलनाथ गिरीले बजेट अन्यन्तै प्रचारमुखी भएकाले कार्यान्वयनमा जटिलता रहेको बताउनुभयो ।  गिरीले बजेटबारे पार्टीमा औपचारिक रूपमा छलफल हुने बताउनुभयो ।  उहाँले भन्नुभयो, “बजेट अत्यन्तै प्रचारमुखी भयो, कार्यान्वयनमा जटिल छ ।  हामी यसबारेमा पार्टीमा औपचारिक छलफल गर्छौं । ” 

थप समाचार
प्रतिकृया
नाम

ईमेल

ठेगना