वैदेशिक रोजगारीमा जाँदै हुनुहुन्छ - कानुनी व्यवस्थाबारे जानकारी राख्नुहोस्



भवानी ऐर
कैलाली, जेठ १२ गते । रोजगारदाता देशको ऐन कानुनकाा बारेमा जानकारी नहुँदा वैदेशिक रोजगारमा गएका नेपालीहरु विना कसुर बिदेशका जेल पर्नेका संख्या प्रतिदिन बढ्दै गएको छ ।
यसैक्रममा कमाउन भनेर कैलालीवाट बैदेशिक रोजगारीमा जानेहरु एकपछि अर्कोगरी जेल पर्न थालेपछि आफन्तजन थप पीडा लिएर रिहाईका लागि संघसंस्थामा भौतारिरहेका छन ।
कैलालीको बसौटी गाविस– ९ का रामप्रसाद चौधरी कतारमा जेल परेको नौं महिनापछि पुनः जेल पर्नुभएको छ । ओपिडोल (ट्रमाडोल हाइड्रोक्लोराइड क्याप्सुल ५० एमजी) नामको औषधी लगेर गएका चौधरी एक वर्षअघि दोहा एयरपोर्टमा पक्राउ पर्नुभएको थियो । पहिलो पटक नौं महिना जेल बसेर तारेखमा छुटेसँगै चौधरीलाई तीन महिनापछि त्यहाँको उच्च अदालतले दोषी ठह¥याएका कारण फेरि एक वर्षका लागि जेल चलान भएको छ भने २० हजार रियाल (रु.साढे पाँच लाख) जरिवाना सुनाइएको छ ।
काठमाडौं बसुन्धरास्थित सवि स्टोर्सका संचालक विष्णु श्रेष्ठले आफन्तका लागि लगिदिन गरेको अनुरोध टार्न नसकी औषधी बोकेर गएका चौधरीका दाजु राजेन्दप्रसाद्र चौधरीकाअनुसार भाई त्यसैका्े फन्दामा परेको बताउनुहुन्छ । कतारको दोहास्थित पर्ल हार्वर ट्रेडिङग कम्पनीमा काम गर्न गएका चौधरीको हस्तलिखित राहदानीको म्याद पनि गत महिना सकिएको पारिवारीक स्रोतले बताएको  छ । पहिले दुई वर्ष कतार बसेर फर्किनुभएका रामप्रसाद पछिल्लो पटक व्यक्तिगत रुपमा प्रक्रिया पु¥याएर पुनः जानुभएको हो ।
उक्त औषधिबारे टीकापुर अस्पतालका मेडिकल सुपरिटेण्डेन्ट डाक्टर नरेन्द्र खनालले डाक्टरको पेसक्रिप्सन विना औषधि बोकेर हिडे कारवाही हुनसक्ने बताउनुभयो तर यसबारे कमाउन विदेशी भूमिमा जानुभएका चौधरीलाई कुनै जानकारी नहुँदा जेल पर्नु परेको बताउँदै डाक्टर खनालले बैदेशिक रोजगारमा जाँदा जाने देशको ऐन कानूनबारे समान्य जानकारी हुनुपर्ने बताउनुभयो ।
यस्तै मसुरिया गाविस–२ का धनबहादुर विक र दानबहादुर ऐर चार महिनादेखि साउदी अरवको जेलमा हुनुहुन्छ । पीडित पारिवारिक स्रोतका अनुसार उहाँहरुसंगै अर्घाखाची, धादिङका एक एक जना पनि जेल छन् । एक वर्षअघि मासिक एक हजार रियाल पाउने आशमा मजदूरी गर्न गएका उनीहरुलाई केही दिन तलवै नदिएको र पछि छ सय रियालमात्र पाएको विकका बुबा लालबिरे कामीले बताउनुभयो ।
विक लगायतका १३ जनाले कम तलव नबुझेको र हडताल गरेको भन्दै गएको जेठदेखि साउदी सरकारले जेलमा राखेको छ । काम गरी घरपरिवारको हातमूख जुटाउनेहरु बेदेशिक जेलमा परेपछि घरमा आफन्नतको विचल्ली भएको भन्दै घर फर्काइदिन परिवारजनले हारगुहार गरेको छ ।
धनगढीस्थित सुरक्षित आप्रवासन सूचना तथा परामर्श केन्द्रका परामर्शकर्ता भुवन जोशीका अनुसार गन्तव्य देशमा लैजान मिल्ने र नमिल्ने कुराबारे थाहा नपाउँदा नेपाली कामदारहरु समस्यामा पर्ने गरेका छन् ।

थप समाचार
प्रतिकृया
नाम

ईमेल

ठेगना