ट्रफिक जरिवाना वृद्धिविरुद्ध आन्दोलन



कञ्चनपुर, जेठ ११ गते । जिल्लाका यातायात व्यवसायी र मजदुर सङ्गठन आजदेखि जरिवाना वृद्धि विरुद्ध संयुक्त रुपमा आन्दोलनमा उत्रिएका छन् ।

नेपाल यातायात व्यवसायी राष्ट्रिय महासङ्घको देशव्यापी आन्दोलन कार्यक्रमअनुसार व्यवसायी र मजदुर आन्दोलनमा उत्रिएका हुन् । महाकाली अञ्चलका विभिन्न यातायात व्यवसायी सङ्गठन र मजदुर सङ्गठन केन्द्रको छ बुँदे मागमा थप तीन माग राखेर आन्दोलनमा उत्रिएका छन् । सरकारले यातायात व्यवसायीसित समन्वय नगरी एकलौटी रुपमा जरिवाना वृद्धि गरेपछि व्यवसायी र मजदुरहरु संयुक्त रुपमा माग राखेर आन्दोलनमा उत्रिएको नेपाल यातायात व्यवसायी राष्ट्रिय महासङ्घका सुदूरपश्चिम संयोजक होमबहादुर कुँवरले बताउनुभयो ।

सवारी साधनको जरिवानामा अत्यधिक वृद्धि गरी सिन्डिकेट लादेको उहाँको आरोप छ । “रु २५ देखि रु २०० सम्म जरिवाना थियो, कसैसित समन्वय नगरी रु ५०० देखि रु एक हजार ५०० बनाइएको छ,” उहाँले भन्नुभयो । जरिवाना बढाएर मात्रै सडक दुर्घटना नरोकिने र यसका लागि अन्य सुधार आवश्यक भएको उहाँको भनाइ छ ।

नेपाल यातायात व्यवसायी राष्ट्रिय महासङ्घले सरकारसँग विगतमा गरिएका सम्झौता कार्यान्वयन, सवारी तथा यातायात व्यवस्था ऐन, २०४९ को दफा १६३ र १६४ खारेज, समयसापेक्ष बिमा नीति निर्माण, ढुवानी ऐन निर्माण, सार्कका सबै देशमा समान हैसियतामा सवारी चल्ने व्यवस्था खारेज तथा यातायात क्षेत्रका श्रमिकलाई सामाजिक सुरक्षा दिनुपर्ने माग गरेको छ । रासस

थप समाचार
प्रतिकृया
नाम

ईमेल

ठेगना