वार्तामा आउन मधेसी मोर्चालाई प्रधानमन्त्रीको पत्र

Kp-Oliकाठमाडौं, जेठ ११ गते ।  प्रधानमन्त्री केपी शर्मा ओलीले राजधानी केन्द्रित आन्दोलन गरिरहेको मधेसी मोर्चालाई वार्तामा आउन आग्रह गर्दै पत्र पठाउनुभएको छ ।  
सोमबार साँझ पत्र लेखेर विगतमा भएका वार्ता र संवाद समस्या समाधानका लागि सकारात्मक रहेको स्मरण गराउँदै प्रधानमन्त्री ओलीले त्यसकै परिणाम स्वरूप संविधान संशोधनसमेत भएको स्मरण मोर्चालाई गराउनुभएको छ ।
सरकारले गठन गरेको वार्ता समितिले आह्वान गरेको पत्रको जवाफ मोर्चाबाट आएपछि प्रधानमन्त्री ओलीले अहिलेसम्म मोर्चाको माग सम्बोधन गर्न सरकारले गरेको प्रयासको जानकारीसमेत दिनुभएको छ ।  यसैगरी प्रदेशको सीमाङ्कनसम्बन्धी माग सम्बोधन गर्न सरकारले समिति गठन गरिसकेको पनि प्रधानमन्त्रीले मोर्चालाई स्मरण  गराउनुभएको छ ।
आफू वार्ताबाटै समस्या समाधान हुनेमा विश्वस्त रहेको भन्दै सरकार प्रमुखको हैसियतले सहमति र सहकार्यका साथ अघि बढ्दै समृद्धिको दिशामा हातेमालो गर्न सबैलाई प्रधानमन्त्रीले आग्रह गर्नुभएको छ ।
सरकार र मोर्चाबीच अनेकौँ चरणमा भएका छलफल उपलब्धिपूर्ण रहेको जानकारी दिँदै प्रधानमन्त्री ओलीले वार्ताका माध्यमबाट सरकार तथा मोर्चाआबद्ध दलबीच रहेका कतिपय असमझदारी बुभ्mन बुझाउन सहयोगी रहेको पत्रमा उल्लेख गर्नुभएको छ ।  त्यसैगरी उहाँले तराई मधेसमा रहेको महिनौंँ लामो असहज स्थिति अन्त्य गर्न पनि संवाद र वार्ता सहायक भएको  बताउनुभएको छ ।  
उहाँले मोर्चाकै मागबमोजिम सरकारले संविधानमा पहिलो संशोधन गरेको तथ्य पनि मोर्चाका नेतालाई स्मरण गराउनुभएको छ ।  संविधानको संशोधनसँगै, समानुपातिक समावेशी विषय, प्रतिनिधित्व र नागरिकतासम्बन्धी मुद्दा सम्बोधन भएको जानकारी प्रधानमन्त्री ओलीले पत्रमा दिनुभएको छ ।
प्रधानमन्त्री ओलीले सरकारले एकतर्फी वार्ता भङ्ग ग¥यो भन्ने मोर्चाको दाबीमा कुनै सत्यता नभएको समेत स्पष्ट पार्नुभएको छ ।  संवाद सहमति आवश्यक नरहेको निष्कर्षमा सरकार पुगेको भए प्रधानमन्त्री स्वयम्बाट वार्ता, सहमति र सहकार्यलाई जोड दिँदै निरन्तर सार्वजनिक आह्वान गरिरहनुपर्ने थिएन, मोर्चालाई लेखेको प्रधानमन्त्रीको पत्रमा छ ।
प्रधानमन्त्री ओलीले छलफल गर्न कस्तो वातावरण चाहिने हो त्यो वार्ताबाटै तय गर्न पनि मोर्चालाई आग्रह गर्नुभएको छ ।  उहाँले तराई मधेसमा भएको अशान्ति र त्यस क्रममा भएका जनधनको क्षतिप्रति सरकार संवेदनशील भएको भन्दै घाइतेको उपचारका लागि सरकारले  आनाकानी नगरेको जानकारी दिनुभएको छ ।  
उहाँले उपचारका लागि आवश्यक रकम पठाइसकिएको जानकारी दिँदै केही बाँकी रहेको भए त्यसको तत्काल सम्बोधन गर्न सरकार तयार रहेको जानकारी दिनुभएको छ ।  उहाँले घटनामा ज्यान गुमाएका परिवारलाई क्षतिपूर्ति रकम पठाइसकिएको स्पष्ट पार्नुभएको छ ।  
प्रदेशको सीमासम्बन्धी माग सम्बोधन गर्न सरकारद्वारा गठित समितिले गर्ने काम र यसमा रहने सदस्य थपघट गर्न सकिने हुँदा पूर्वसर्तमा नअल्झन प्रधानमन्त्रीले आग्रह गनुभएको छ ।  

थप समाचार
प्रतिकृया
नाम

ईमेल

ठेगना