खप्तडमा स्की खेलको अध्ययन सुरु

शैलेन्द्र रोकाया


बझाङ, जेठ १० गते । सुदुरपश्चिमको प्रमुख पर्यटकीय क्षेत्र खप्तडमा हिउँमा खेल्ने स्की खेलको प्रारम्भिक अध्यायन सुरु गरिएको छ । खप्तडमा झण्डै चार महिना जति हिउँ पर्ने र हिउँ जम्ने भएको हुनाले पर्यटकहरुलाई आर्कषण गर्न लाई स्की खेलको प्रारम्भिक अध्यायन गरिएको हो ।
सुदुरपश्चिमको प्रमुख पर्यटकिय गन्तब्य खप्तडमा आन्तरिक तथा बाह्य पर्यटकहरुका लागि हिउँदमा हिउँमा खेल्ने स्की खेलका लागि अति उत्तम ठाँउ भएकाले साहसिक पर्यटनको समेत सम्भावना रहेको बताईएको छ ।
नेपाल साँस्कृतिक तथा पर्यटन मन्त्रालयको पर्बतीय प्रशिक्षण प्रतिष्ठान बिकास समितीकाको एक टोलीले यसबारेमा अध्ययन शुरु गरिरहेको छ । सगरमाथामा सात पटक आरोहण गरिसकेका पेम्बा गेल्डो शेर्पा नेतृत्वको एक टोलीले खप्तडको भौगोलिक बनावट स्कीको सम्भावना र साहसिक पर्यटनको सम्भावनाका बिषयमा विस्तृत अध्ययन शुरु गरेको छ ।
निकट भबिष्यमा स्की सम्बन्धीका बिभिन्न गतिबिधी सन्चालन गरी खप्तडलाई आन्तरिक तथा बाह्य पर्यटकहरुको पहिलो गन्तब्य बनाउन सकिने शेर्पाले बताउनु भयो । उहाँले स्की खेलका लागि खप्तड एकदमै उचित गन्तब्य भएकाले खप्तडका ठूला ठूला पाटनहरुको टोमोग्राफी र ठाँउको छनौटका साथै  स्थानियबासीहरुलाई हिउँ सम्बन्धी जानकारी प्रदान गर्ने कार्य भैरहेको जानकारी दिनुभयो ।
यसैगरी शेर्पाले स्थानिय होटेल तथा स्थानियबासीहरु लाई घुम्ती लालिम , होटेलहरुलाई ब्यबस्थित र सरसफाई युक्त बनाउनुपर्ने  र ट्रेकिङ गाईड सम्बन्धी तालिम आबश्यक रहेको बताउदै स्की खेल संगै यस्ता किसमका तालिम समेत सञ्चालन गरिने समेत बताउनु भयो ।
स्की खेलका लागि अहिले प्रारम्भिक अध्यायन सुरु गरिएको भएपनि बिस्तृत रुपमा भने हिउँदतिर गरिने पनि जानकारी शेर्पाले दिनुभयो ।  
खप्तडको बिकासका लागि राज्यबाट बर्षेनी करोडौका योजनाहरु आउने भए पनि पर्यटन बिकासमा हुने राजनीतिले यस क्षेत्रको बिकास हुन नसकेको पर्यटन ब्यबसायी प्रमानन्द भण्डारीले बताउनु भयो । साथै उहाँले पनि हिउदमा अत्याधिक हिउ पर्ने भएकाले खप्तड स्की खेलका लागी नेपालकै प्रमुख पर्यटकिय गन्तब्य हुन सक्ने सम्भाबना रहेको औंल्याउनु भयो ।
सुदुरपश्चिमका चार जिल्ला बझाङ,डोटी,अछाम र बाजुराको बीचमा रहेको खप्तड मा पर्यटकहरुको आगमन संगै यस क्षेत्रको बिकास हुन सक्ने अनुमान गरिएको छ ।

थप समाचार
प्रतिकृया
नाम

ईमेल

ठेगना