सरकारी कार्यालयको चाला - एक वर्षपछि मात्रै भूकम्पको क्षतिको विवरण सार्वजनिक


बनेपा,  जेठ ९ गते । खानेपानी तथा सरसफाइ डिभिजन कार्यालय, धुलिखेलले भूकम्प गएको एक वर्षपछि मात्रै खानेपानी तथा सरसफाइका क्षेत्रमा भएको क्षतिको विवरण सार्वजनिक गरेको छ ।

डिभिजन कार्यालले खानेपानीको मुहान, प्रशोधन प्रणालीको संरचना, विद्युतीय उपरकण, प्रसारण लाइन, प्रशारणका हिस्सा, वितरण लाइन, शौचालय लगायतमा भूकम्पले क्षति पु¥याएको जनाएको छ ।

खानेपानी तथा ससफाइ डिभिजनका अधिकृत रामकाजी काफ्लेले केही क्षति आंशिक र केही क्षति पूर्ण रुपमा भएको उल्लेख गर्दै काशीखण्ड दाप्चा नगरपालिका बाहेक सबै क्षेत्रको क्षतिको विवरण आएको बताउनुभयो ।

उहाँले जनशक्ति कम भएका कारण क्षतिको विवरण सङ्कलनमा ढिलाइ भएको जिकिर गर्दै खानेपानी तथा सरसफाइको क्षेत्रमा कुल रु ७० करोड ९३ लाख १३ हजार बराबरको क्षति भएको जानकारी दिनुभयो ।

डिभिजन कार्यालयले दिएको तथ्याङ्क अनुसार सरसफाइतर्फ जिल्लामा रहेका कुल ६५ हजार ५०३ शौचालयमध्ये १४ हजार ५७६ शौचालयमा पूर्ण क्षति र १२ हजार २०३ मा आशिंक क्षति भएको छ । त्यस्तै खानेपानीतर्फ जिल्लामा रहेका ७९९ खानेपानी योजनामध्ये पूर्ण रुपमा क्षति भई सेवा अवरुद्ध भएका १८५ र आंशिक क्षति भएका ४७३ छन् ।

यसैगरी इन्टेक २५७, पानी प्रशोधन प्रणालीका संरचना ९फिल्टर युनिट० ५४, प्रसारण लाइन, मुहानदेखि ट्यांकीसम्म ३६५, पानी कलेक्सन ट्यांकी २०६, वितरण पाइप लाइन ट्यांकीदेखि धारासम्म ३२८, प्रसारण प्रणालीको संरचना ५२, विद्युतीय उपकरण तथा अन्य संरचना २२ वटामा क्षति पुगेको छ ।
“कति खर्चमा मर्मतसम्भार हुन्छ भन्ने कुरा भन्न सकिँदैन तर त्यसका लागि हामीले पहल गरिरहेका छाँै” डिभिजन अधिकृत काफ्लले भन्नुभयो । रासस

थप समाचार
प्रतिकृया
नाम

ईमेल

ठेगना