बिना दर्ताका विद्यालयको बिगबिगी , सरकारी निकाय सुस्त



सिकेन्द्र पासवान


बारा, जेठ ७ गते । जिल्ला शिक्षा कार्यालयबाट अनुमति नै नलिएका निजी विद्यालयहरुको बारामा बिगबिगी  छ ।

जिल्लाको सहरी तथा ग्रामिण भेगमा खुलेआम रुपमा जिल्ला शिक्षा कार्यालयबाट अनुमति नै नलिई निजी विद्यालयहरु सञ्चालनमा रहेको पाईएको छ । निजी विद्यालयका सञ्चालकहरुले अभिभावकहरुलाई झुक्याएर अनुमति बिना नै निजी विद्यालय सञ्चालनमा ल्याई विद्यार्थीहरुको भविष्यसंग खेलवाड गरे पनि शिक्षा अधिकारीले कुनै चासो दिएको छैन । शिक्षा माफियासंगको चलखेलमा निजी विद्यालयका सञ्चालकहरुले अनुमति बिना नै सञ्चालनमा ल्याएका छन ।

बाराको कलैया, जितपुर, निजगढ, कोल्हवी, सिम्रौणगढ, सिसहनिया, बरियारपुर, गञ्जभवानीपुर, महेन्द्र आर्दश, जैतापुर लगायतको ठाउहरुमा यस्ता विद्यालयहरु सञ्चालन भैरहेका छन । विद्यालयका सञ्चालकहरुले आफनो व्यक्तिगत स्र्वाथ सिद्ध गर्न विद्यार्थीहरुको भविष्यसंग खेलवाड गरिरहेतापनि यसमा शिक्षा कार्यालयका कर्मचारी र विद्यार्थीको अभिभावक दुबै दोषी देखिएका छन । शिक्षा कार्यालय बाराले स्रोत ब्यक्ति र विद्यालय निरीक्षकहरुलाई आ आफनो स्रोत केन्द्रको एरियामा अनुगमन गर्न खटाए पनि स्रोतब्यक्ति र विद्यालय निरीक्षकको आर्थिक  मिलोमतोमा नै यस्ता विद्यालय निर्वाध संचालन भैरहेका छन् ।  

सदरमुकाम कलैयाको छेउ छाउमा एक दर्जनभन्दा बढी निजी विद्यालयहरु अनुमति पत्र नै नलिई सञ्चालनमा रहेको पाईएको छ । शिक्षा कार्यालय बाराले सदरमुकाम कलैयामा नै अवैध तरिकाले सञ्चालनमा रहेका विद्यालयहरुलाई कारवाहीको प्रक्रिया अगाडी बढाउन अनुगमन शुरु गरे पनि यस्ता विद्यालयमा आ आफना छोरा छोरीलाई भर्ना नगर्न सुचना जारी गर्नु भन्दा बढी केही गर्न सकेको छैन ।  

शिक्षा कार्यालयले दर्ता नभएका विद्यालयमा भर्ना नगर्न सुचना जारी गरेपनि उक्त विद्यालयका सञ्चालकहरुलाई कारवाही हुन नदिन केही शिक्षा माफियाहरु बचाउ गर्ने कार्यमा सक्रिय भएका छन । यस्ता विद्यालयहरुको बारेमा अनुगमन गर्ने कार्य भईरहेको र  अनुगमनपछि आएको प्रतिवेदन अनुसार निजी विद्यालयका सञ्चालकहरु विरुद्ध कारवाही प्रक्रिया अगाडी बढाईने जिल्ला शिक्षा कार्यालय बाराका परीक्षा फांट प्रमुख अशोक रौनियारले बताउनु भयो ।

थप समाचार
प्रतिकृया
नाम

ईमेल

ठेगना