च्याउ खेतीबाट मासिक लाख रुपियाँ आम्दानी


रेखीराम राना


पाल्पा, जेठ ३ गते । च्याउ खेती गरेर निरेश र सागरले अहिले मासिक एक लाख रुपियाँ आम्दानी गरिरहेका छन् । च्याउ खेतीबाट मासिक एक लाख रुपियाँ आम्दानी गर्न सफल कृषकहरु मिहिनेत गरे नाम र दाम स्वदेशमै कमाउन सकिन्छ भन्ने उदाहरण बनेका छन् ।
मकवानपुर हेटौडा–११ नवलपुरका २४ वर्षिय निरेश पुराशैनी र सागर अधिकारी पाँच वर्षदेखि च्याउ खेतीमा व्यस्त हुनुहुन्छ । स्वदेशमै केही गर्न सकिन्छ भन्ने आँटले च्याउ खेती गरेर मासिक लाख रुपियाँ कमाउन सफल भएपछि दश÷बीस हजार रुपियाँका लागि विदेशमै जान नपर्ने बताउनुहुन्छ ।


पाल्पाको तेल्घामा रहेको च्याउ फर्ममा काम गर्दै निरेश र सागर ।

चितवनबाट च्याउ खेती सुरु गरेर नवलपरासी र रुन्देही हुँदै पाल्पामा च्याउ खेती गर्न आएको बताउँदै निरेशले पाल्पामा आएर च्याउ खेतीबाट मासिक एक लाख रुपियाँ आम्दानी भएको बताउनुभयो । दश÷बीस हजार रुपियाँ कमाउन हाम्रा दाजुभाईले मरुभूमीमा रगत बगाउनुभएको खबर दिनहुँ सुनेका छौँ निरेशले थप्नुभयो ( हामीले आँट लिएर यही श्रमपसिना बगाएर लाख रुपियाँ कमाएका छौँ ।

जुनसुकै समयमा च्याउ खेतीका लागि उपयुक्त मौसम भएकाले पाल्पामा दश रोपनी जग्गा भाडामा लिएर खेती थालेको उहाँहरू बताउनुहुन्छ । च्याउ खेतीका लागि मध्यपहाडी जिल्ला पाल्पामा कन्ये (पराले) च्याउ जुनसुकै सिजनमा उत्पादन गर्न सकिन्छ । तराईका जिल्लामा भने गर्मीमा उत्पादन गर्न एयर कन्डिसन (एसी)को आवश्यकता पर्छ । पहाडी जिल्ला पाल्पामा भने धेरै गर्मी नहुने भएपछि च्याउ खेती गर्न जुनसुकै सिजनमा सहज भएको उनीहरू बताउँछन् ।

पहाडी जिल्लामा उत्पादन भएको च्याउले अहिले तराईका जिल्लामा राम्रो बजार पाएको र भारतीय च्याउ च्याउसँग प्रतिष्पर्धी बनेको छ । विगतका वर्षमा यतिबेला रुपन्देही, पाल्पा र नवलपरासीमा काठमाडौ र भारतको च्याउ खानुपर्ने अवस्था थियो निरेश भन्नुहुन्छ तर यस वर्ष भने पाल्पाको च्याउ भनेर तराईका जिल्लामा राम्रो बजार पाएको छ ।
दैनिक पाँच क्विन्टलभन्दा बढी च्याउ उत्पादन भैरहेको र भारतीय च्याउलाई विस्थापित गरिरहेको दावी पनि उहाँहरुको छ । आफूहरूले उत्पादन गरेको च्याउ बुटवल, भैरहवा, नवलपरासीमा बिक्री केन्द्र खोलेर बिक्री गरिरहेको सागर बताउनुहुन्छ ।

च्याउ उत्पादन भएको स्थानबाट प्रतिकिलो दुई सय ३० रुपियाँमा बिक्री गरेको उहाँले बताउनुभयो । बिक्रीकेन्द्र र बजारमा भने प्रतिकिलो तीन सय रुपियाँमा बिक्री भएको छ ।

च्याउ खेती गर्न कुनै तालिम नलिएका उहाँहरूले काठमाडौँमा पढ्न बस्दा घरबेटीले खेती गरेको देखेर सिकेको बताउनुहुन्छ ।


थप समाचार
प्रतिकृया
नाम

ईमेल

ठेगना