• ६ चैत २०८०, मङ्गलबार

नेपाल श्रीलंकाविरुद्ध पहिलो हाफमा ४–० ले अगाडि

blog

काठमाडौं, भदौ २७ गते । छैटौं संस्करणको साफ महिला च्याम्पियनसिप फुटबलमा नेपाल अहिले श्रीलंकासँग प्रतिस्पर्धा गरिरहेको छ । दशरथ रंगशालामा जारी खेलको पहिलो हाफमा नपालले श्रीलंकाविरुद्ध ४–० गोलको अग्रता लिएको छ ।

नेपालका लागि रश्मी कुमारी घिसिङ, सरु लिम्बु, अमृता जैशी र दिपा शाहीले गोल गर्नुभयो । नेपाल लगातार दोस्रो जित निकाल्दै सेमिफाइनलमा स्थान बनाउने लक्ष्यमा छ । समूह ‘बी’ मा रहेको नेपालले यसअघि पहिलो खेलमा भुटानलाई ४–० गोलले पराजित गरेको थियो । यस समूहमा भुटानको तीन अंक छ ।

नेपालसँग पराजित भुटानले दोस्रो खेलमा श्रीलंकालाई ५–० गोलले पराजित गरेको थियो । आज श्रीलंका पराजित भएका नेपाल समूह विजेता र भुटान उपविजेताको रुपमा सेमिफाइनलमा प्रवेश गर्नेछ । श्रीलंकाविरुद्धको खेलमा आज नेपालकी चर्चित स्ट्राइकर सावित्रा भण्डारी हुनुहुन्न । डेङ्गु लागेका कारण आजउहाँलाई आराम दिईएको हो । 

सात टोली सहभागी प्रतियोगितामा समूह ‘ए’ बाट भारत र बंगलादेशले सेमिफाइनलको यात्रा तय गरिसकेका छन् । माल्दिभ्स र पाकिस्तान भने च्याम्पियनसिपबाट बाहिरिसकेको छ ।