बालिका अपहरण गर्नेलाई २३ वर्ष कैद फैसला




भक्तपुर, वैशाख ३१ गते। भक्तपुर जिल्ला अदालतले बालिका अपहरण गरी हत्या गरेको अभियोगमा मोरङ उर्लाबारी नगरपालिका–३ घर भई हाल मध्यपुरथिमि नगरपालिका–१६ मनोहरा सुकुम्बासीका राजकुमार भन्ने नरबहादुर श्रेष्ठलाई २३ वर्ष कैद सजाय सुनाइएको छ ।

विसं २०७२ फागुन ७ गते राति ६ वर्षीया बालिकालाई अपहरण गरी मनोहरा फाँटको खेतमा लगेर पटक÷पटक बलात्कार गरेर गम्भीर घाइते बनाएको अभियोगमा पक्राउ परेका श्रेष्ठलाई न्यायाधीश लिप्तबहादुर थापाको एकल इजलासले हिजो उक्त फैसला गरेको हो ।

अदालतले श्रेष्ठबाट रु एक लाख जरिवाना असुल गर्ने र पीडितलाई रु एक लाख क्षतिपूर्ति भराउने फैसला समेत गरेको अदालतका श्रेस्तेदार हरिकृष्ण श्रेष्ठले जानकारी दिनुभयो ।

त्यसैगरी तीन जना बालिकालाई भक्तपुरको जगातेस्थित हबनव रेस्टुराँमा लगेर बलात्कार गरेको अभियोगमा पक्राउ परेका सिन्धुपाल्चोक सागाचोक गाविस–७ घर भई हाल मध्यपुरथिमि नगरपालिका–१५ बस्ने वर्ष २५ का कविराज थापा र सोही ठाउँका प्रवीण कार्कीलाई पनि अदालतले पूर्पक्षका लागि कारागार चलान गरेको उहाँले बताउनुभयो । रासस

थप समाचार
प्रतिकृया
नाम

ईमेल

ठेगना