अग्नी पीडितलाई पुराना लुगा र म्याद गुज्रेका खाद्य सामग्री !


तिलाचन पाण्डे
गुल्मी बैशाख  २८ गते । वडागाउँकका अग्नी पीडितहरुलाई राहतका नाममा पूराना कपडा तथा म्याद गुज्रिएका खानेकुरा उपलब्ध गराईएपछि अग्निपीडितहरुले चित्त दुखाएका छन् ।
स्थानीय वडागाउँ २ का नरबहादुर गाहाले ढाकाको प्रयोग गर्न नमिल्ने पूरानो सल देखाउँदै सहयोगको नाममा तुच्छ व्यवहार गरिएको बताउनु भयो । उहाँका अनुसार केही  अग्नी पीडित कसैले त पुरानो भन्दै फिर्ता पनि गरे ।
गोदाममा स्टक भएका अधिकांश कपडा पुराना ,मुसाले खाएका, जोडी नभएका जुत्ता चप्पल भएको भेटिएको पनि अग्नी पीडितहरुको भनाई छ  । कतिपय छुने बित्तिकै च्यात्तिने गरेको स्थानीय दिलबहादुर सोनारीले बताउनु भयो ।  
राहत सामग्रीको थुप्रोमा यो चोकोलेट नाम भएको बिस्कुट पनि छ जुन २०१५÷अप्रिल मा प्याक र छ महिनासम्म प्रयोग गर्न सकिने पनि भनिएको छ । तर म्याद गुज्रिएको सात महिनापछि अर्थात् सन् २०१६ मे महिनासम्म पनि अग्नी पीडितलाई राहतका नाममा वितरण भैरहेको छ । त्यस्तै रुक्स बिस्कुट पनि सन् २०१५ को फरवरीम प्याक भएको छ । म्याद सकिएका यी खाद्य सामग्रीसंगै अरु चाउचाउ र बिस्कुट पनि थुपै्रै छन् । यस सम्बन्धमा मावन अधिकार आयोग उपक्षेत्रीय कार्यालय वुटवल र इन्सेकको टोलीले पनि अनुगमन गरिरहेको छ ।
सहयोग संकलन राम्रो भएको हो र अझै आउने क्रम जारी रहेको बताउँदै , रेड्क्रस वडागाउँ सभापति गुप्तबहादुर कार्कीले भने कसैले म्याद सकिएका र पूराना सामान पनि पठाएकोमा दुखेसो व्यक्त गर्नुभयो ।
स्थानीय पशुपति निमाविका प्रध्यानाध्यापक हिरा बहादुर छन्तेलले राजनीतिक प्रतिस्पर्धा बढि भएकाले पनि विभिन्न खाले प्रचारबाजी भइरहेको बताउनु भयो ।





थप समाचार
प्रतिकृया
नाम

ईमेल

ठेगना