मुलुकको प्राथमिक एजेन्डा संविधानलाई सर्वस्वीकार्य बनाउने हुनुपर्छः काँग्रेस

congressकाठमाडौँ, वैशाख २८ गते । नेपाली काँग्रेसका नेता रमेश लेखकले मुलुकको आजको प्राथमिकता कार्यसूची नेपालको संविधानलाई सर्वस्वीकार्य बनाउनपर्ने आवश्यकता औँल्याउनुभएको छ । व्यवस्थापिका–संसद्को आजको बैठकमा आव २०७३ ÷ ७४ को सरकारको नीति तथा कार्यक्रममाथि पार्टीका तर्फबाट १६ बँुदे संशोधन प्रस्ताव प्रस्तुत गर्दै उहाँले भन्नुभयो– “नीति तथा कार्यक्रममा संविधान कार्यान्वयनलाई सर्वस्वीकार्य बनाउने एजेन्डा हुनुपथ्र्यो, त्यो देखिएको छैन ।”

नेता लेखकले स्थानीय निकायको सीमा र सङ्ख्या निर्धारण आयोग गठन भइरहेकाले सरकारले भनेजस्तो मङ्सिरमा स्थानीय निकायको निर्वाचन हुनै नसक्ने जिकिर गर्नुभयो । उहाँले कालोबजारी र भ्रष्टाचार नियन्त्रण गर्ने तथा पुँजीगत खर्च बढाउने तर्फ सरकारले विशेष ध्यान पु¥याउन आवश्यक छ भन्नुभयो ।

सरकारको नीति तथा कार्यक्रममाथिको संशोधनकर्ता नेपाल मदुर किसान पार्टीका प्रेम सुवालले १३ वर्षसम्म स्थानीय निकायको निर्वाचन नगरेर जनताको अधिकार सिहदरबारभित्र थुन्ने काम भएको बताउँदै यथाशीघ्र स्थानीय निर्वाचनको माग गर्नुभयो ।

सोही पार्टीकै अनुराधा थापा मगरले काठमाडाँै उपत्यकाको फोहर व्यवस्थापनलाई ग्यास र प्राङ्गारिक मल उत्पादनसँग जोड्न आवश्यक रहेको तथा आगामी पाँच वर्षभित्रै निजी अस्पताललाई पनि सरकारले नै सञ्चालनको व्यवस्था मिलाउनुपर्ने औँल्याउनुभयो । खुम्बुवान राष्ट्रिय मोर्चा नेपालक रामकुमार राईले अब मुलुकले प्रगतिशील कर प्रणालीसहितको समाजवादउन्मुख नीति तथा कार्यक्रम बनाउनुपर्नेमा जोड दिनुभयो । 

राष्ट्रपतिद्वारा व्यवस्थापिका–संसद्को दोस्रो अधिवेशनको बैठकलाई वैशाख २६ गते गरिएको सम्बोधनप्रति धन्यावाद ज्ञापनसम्बन्धी प्रस्तावमाथि संशोधनकर्ताका तर्फबाट बोल्ने क्रम सकिएको छ । नीति तथा कार्यक्रममाथि तीन राजनीतिक दलका चारवटा संशोधन प्रस्ताव दर्ता भएको थियो । बैठक जारी छ । रासस

थप समाचार
प्रतिकृया
नाम

ईमेल

ठेगना