राष्ट्रपति संसद्मा, नीति तथा कार्यक्रम प्रस्तुत


काठमाडौँ, वैशाख २६ गते। राष्ट्रपति विद्यादेवी भण्डारीले व्यवस्थापिका–संसद्मा सरकारको नीति तथा कार्यक्रम प्रस्तुत गरी सम्बोधन गर्न सुरु गर्नुभएकोे छ ।


संविधान जारी भएपछिको सरकारको पहिलो नीति तथा कार्यक्रम प्रस्तुत गर्न राष्ट्रपति भण्डारी नयाँ बानेश्वरस्थित संसद् भवनमा अपराह्न ४ः ०५ बजे आइपुग्नुभएको थियो । उहाँलाई बबरमहलबाट संसद् भवनसम्म बग्गीमा राखी ल्याइएको थियो । राष्ट्रपति भण्डारीलाई प्रधानमन्त्री केपी शर्मा ओली, सभामुख ओनसरी घर्ती, कानुन, न्याय तथा संसदीय व्यवस्थामन्त्री अग्निप्रसाद खरेल र सचिवालयका महासचिव मनोहरप्रसाद भट्टराई लगायतले स्वागत अभिवादन गर्नुभएको थियो ।


गत कात्तिक ११ मा राष्ट्रपतिमा निर्वाचित भण्डारीले सरकारको नीति तथा कार्यक्रम प्रस्तुत गरी सम्बोधन गरेको यो पहिलो अवसर हो । संविधानतः सरकारको नीति तथा कार्यक्रम बजेट अधिवेशनमा बजेट पेस हुनुपूर्व संसद्को बैठकमा राष्ट्रपतिले प्रस्तुत गर्ने व्यवस्था छ । राष्ट्रपतिसमक्ष सम्बोधनको प्रति प्रधानमन्त्री ओलीले चढाउनुभएको थियो ।


संविधानसभाबाट व्यवस्थापिका–संसद्को भवनमा रुपान्तरित अन्तर्राष्ट्रिय सम्मेलन केन्द्रको परिसर अहिले विशेषरुपमा सिँगारिएको छ । राष्ट्रपतिलाई नेपाली सेनाको एक टुकडीले सम्मान गारद अर्पण गरेको थियो । राष्ट्रिय झन्डा, पानीको फोहरा, ध्वजा र सरसफाइले परिसर आकर्षक बनेको छ भने सुरक्षा व्यवस्था कडा तुल्याइएको छ । संसद्को प्रेक्षालयमा उपराष्ट्रपति नन्दबहादुर पुन, कामु प्रधानन्यायाधीश सुशीला कार्की, मन्त्रिगण, मुख्यसचिव, संवंैधानिक अङ््गका प्रमुख, नेपालस्थित कूटनीतिक नियोगका प्रतिनिधि तथा उच्चपदस्थ कर्मचारीको उपस्थिति छ । रासस

थप समाचार
प्रतिकृया
नाम

ईमेल

ठेगना