सरकारको नीति तथा कार्यक्रम आज, आर्थिक अधिकार प्राथमिकतामा

नारायण काफ्ले

काठमाडौँ, वैशाख २६ गते ।  सरकारले आर्थिक वर्ष २०७३/७४ को नीति तथा कार्यक्रम आइतबार व्यवस्थापिका संसद्मा पेस गर्दैछ ।  सरकारका तर्फबाट राष्ट्रपति विद्यादेवी भण्डारीले वार्षिक नीति तथा कार्यक्रम सदनमा पेस गर्ने कार्यतालिका छ ।  
राष्ट्रपतिले आइतबार दिउँसो ४ बजे संसद्मा नीति तथा कार्यक्रम पेस गर्ने कार्यसूची रहेको संसद् सचिवालयका सहायक प्रवक्ता सुदर्शन कुइँकेलले जानकारी दिनुभयो ।  
संसद् सचिवालयले राष्ट्रपतिको स्वागत र सुरक्षाका लागि सम्पूर्ण तयारी पूरा गरिसकेको छ ।  संसद् भवनमा विशेष सजावट गरिएको छ ।  संविधान जारी भएपछि राष्ट्रपतिबाट सदनमा नीति तथा कार्यक्रम प्रस्तुत हुन लागेको पहिलो पटक हो ।  राष्ट्रपतिबाट पेस हुने नीति तथा कार्यक्रममाथि संसद्मा दुई दिन छलफल हुनेछ ।  छलफलपछि सांसदहरूले उठाएका प्रश्नको प्रधानमन्त्री केपी शर्मा ओलीले जवाफ दिनुहुने कार्यतालिका संसद् सचिवालयले तयार पारिसकेको छ ।  
अर्थमन्त्री विष्णु पौडेलले नयाँ संविधानले अङ्गीकार गरेको प्रादेशिक संरचनामा आर्थिक अधिकारका विषयलाई प्राथमिकता दिँदै सरकारले नीति तथा कार्यक्रम तय गरेको सदनलाई जानकारी दिनुभएको छ । samsad
नीति तथा कार्यक्रममा सरकारले यसपटक आर्थिक वृद्धिलाई दश वर्षमा दोहोरो अङ्कमा पु¥याउने लक्ष्य लिएको छ ।  कृषि, उद्योग र पर्यटन क्षेत्रले यसपटक प्राथमिकता पाएका छन् ।  भूकम्पछिको पुनःनिर्माणलाई व्यवस्थित र प्रभावकारी बनाउने संयन्त्रसहित नीति तथा कार्यक्रममा पुनःनिर्माणलाई प्राथमिकता दिइएको छ ।  यस्तै, अनुशासित व्यवसाय र व्यस्थित उत्पादनलाई नीति तथा कार्यक्रमले जोड दिएको छ ।  
विकासमा सरकारी, निजी र सहकारी क्षेत्रको समेत प्रतिनिधित्व रहेको आर्थिक व्यवस्थालाई नीति तथा कार्यक्रमले प्राथमिकता दिएको छ ।  शिक्षा, स्वास्थ्य क्षेत्रलाई पनि नीतिमा उच्च प्राथमिकता दिइएको छ ।  संविधान कार्यान्वयन र शान्ति प्रक्रियाका बाँकी कामलाई निष्कर्षमा पु¥याउने विषयलाई पनि नीति तथा कार्यक्रममा जोड दिइएको छ ।  पुनःनिर्माण, पुनःस्थापना र पुनरोत्थानलाई पनि नीति तथा कार्यक्रमले प्राथमिकता दिएको छ ।  


थप समाचार
प्रतिकृया
नाम

ईमेल

ठेगना