छुट्टाछुट्टै घटनामा दुईको मृत्यु...

दमौली, वैशाख २५ गते । शुक्रबार राति भएका छुट्टाछट्टैे घटनामा दुई जनाको मुत्यु भएको छ भने एक जना घाइते भएका छन् ।
बन्दीपुर नगरपालिका– ६ नयाँ पुल नजिकै शुक्रबार साँझ हावाले ढालेको गुलमेहरका रुखमा ठोक्किँदा मोटर साइकल चालकको मृत्यु भएको हो ।

मृत्यु हुनेमा आबुखैरेनी नगरपालिका सत्रसय निवासी ३१ वर्षीयसोमराज गुरुङ रहेको जिल्ला प्रहरी कार्यालयले जनाएको छ । डुम्रेबाट आँबुखैरेनी जाँदै गरेको ग १० प.८२६५ नंको मोटरसाइकल हावाले ढालेर सडकमा तेर्सिएर रहेको उक्त रुखमा ठोक्किएको थियो । शव परीक्षणका लागि दमौली अस्पतालमा राखिएको छ ।
मोटरसाइकल पछाडि बस्ने सोही ठाउँका ३० वर्षीय पारस गुरुङ गम्भीर घाइते रहेको र अहिले उनको मणिपाल शिक्षण अस्पताल पोखरामा उपचार भइरहेको प्रहरीले जनाएको छ ।

त्यस्तै सोही दिन घाँस काट्ने क्रममा काभ्रोको रुखबाट खसेर कोटदरबार गाविस– ४ का १७ वर्षीय सन्तोष नेपालीको मृत्यु भएको छ । । रासस

थप समाचार
प्रतिकृया
नाम

ईमेल

ठेगना