विकासलाई गाउँ केन्द्रित गर्न देउवाको आग्रह




काठमाडौँ, वैशाख २३ गते। नेपाली काँग्रेसका सभापति शेरबहादुर देउवाले विकासलाई गाउँ केन्द्रित गर्नुपर्नेमा जोड दिनुभएको छ ।

बिपी चिन्तन प्रतिष्ठानको दोस्रो राष्ट्रिय सम्मेलनको आज राजधानीमा उद्घाटन गर्दै सभापति देउवाले बिपी कोइरालाले गाउँका विकासमा जोड दिने गर्नुभएको स्मरण गर्नुभयो ।

उहाँले गाउँको विकासबाट मात्रै मुलुकको समग्र विकासको आधार तयार हुने तर्क पनि गर्नुुभयो ।

कार्यक्रममा पूर्वप्रधानमन्त्री तथा नेकपा एमालेका वरिष्ठ नेता माधवकुमार नेपालले विश्वेश्वर कोइरालालाई नेपाली राजनीतिका सबैभन्दा अग्लो व्यक्तित्वका रुपमा चित्रित गर्नुभयो ।

उहाँले बिपीका अनुयायीले कुनै जात, वर्ग र क्षेत्र विशेषलाई मात्रै महत्व दिन नहुनेमा जोड दिनुभयो ।

तीन दिनसम्म चल्ने सम्मेलनमा देशभरिबाट २५० जना प्रतिनिधि र ५० जना पर्यवेक्षकसहित ३०० जनाको सहभागिता रहेको प्रतिष्ठानका महासचिव देवेन्द्र पौडेलले जानकारी दिनुभयो ।

पौडेलका अनुसार सम्मेलनमा नेपालमा विकास प्रयास, प्रजातान्त्रिक समाजवाद, संविधानको अन्तरवस्तु, बिपीवादीको नीति तथा कार्यक्रमका विषयमा कार्यपत्र प्रस्तुत भई त्यसमाथि छलफल हुने छ । साथै प्रतिष्ठानको विधान संशोधनका विषयमा पनि सम्मेलनमा छलफल हुनेछ । रासस

थप समाचार
प्रतिकृया
नाम

ईमेल

ठेगना