जयपृथ्वीबहादुरको जन्मथलोमा पत्रकारिता दिवस


शैलेन्द्र रोकाया
बझाङ, वैशाख २३ गते । सरकारीतह वाट पहिलो पटक मनाईएको प्रथम राष्टिय पत्रकारीता दिवस कार्यक्रममा बझाङमा भने पत्रकारितासँंगै मानवताबादी राजा जयपृथ्वी बहादुर सिंहको सम्झना गरिएको छ ।


प्रथम राष्टिय पत्रकारिता दिवस कार्यक्रममा गोरखापत्र दैनिकको पहिलो सम्पादक जयपृथ्वीबहादुर सिहले नेपाली पत्रकारीताको सुरुवात र उहाँले गर्नु भएको योगदानको चर्चा गरि मनाएको हो ।

 बझाङी राजा तथा गोरखापत्र दैनिकका पहिलो सम्पादक जयपृथ्बी बहादुर सिहं जन्मनु भएको सदरमुकाममा रहेको हात्तिसार दरबार जहाँ अहिले जिल्ला प्रशासन कार्यालय छ । तस्बिर शैलेन्द्र रोकाया

राष्टिय पत्रकारिता दिवस मुल समारोह समीतिले आयोजना गरेको पत्रकारिता दिवस बझाङ्गी राजा जयपृथ्बीबहादुर सिहंको जन्म भएको ऐतिहासिक दरबार हात्तीसारमा एक औपचारिक कार्यक्रम गरी मनाएको हो । सांसद लालबहादुर रावल प्रमुख अतिथि रहनु भएको सो कार्यक्रममा बोल्ने अधिकांश बक्ताहरुले नेपाली पत्रकारिताको जग बसाल्नु भएका सिहंले नेपाली साहित्य पत्रकारिता र मानवताका बिषयमा भए गरेका प्रयासहरुले सिंगो मुलुकै प्रतिनिधित्व गरि उहाँलाई स्मरण गराई रहेको बताउनु भयो ।  कार्यक्रम मूल आयोजक समितिका सदस्य जगदिस रोकायाले नेपाली संञ्चार माध्यामको अभिभाबक समेत रहेको गोरखापत्रको प्रकाशन आरम्भ गर्ने जयपृथ्बीबहादुर सिंह लाई सरकारले समेत बिर्सेको बताउनु भयो ।

तत्कालिन प्रधानमन्त्री चन्द्र समशेरका ज्वाई समेत रहेका राजा जयपृथ्बी बहादुर सिहले बि.स. १९५८ मा गोर्खापत्र को प्रकाशनको आरम्भ गरेका थिए । नेपाली भाषाको पहिलो पुस्तक अक्षरांड्ढ लेखेका सिहंले तत्कालिन समयमा गोरखापत्रको सम्पादन समेत गर्ने गरेको बिभिन्न पुस्तकहरुमा उल्लेख गरिएको छ प्रमुख जिल्ला अधिकारी हिरालाल चौधरीले पत्रकारिता देशका मेरुदण्ड भएकाले जिल्लामा पत्रकारहरुले खेल्नु भएको भुमिका प्रति खुलेरै प्रसंसा गरेका थिए ।
प्रथम पटक मनाईएको पत्रकारिता दिवसको अवसरमा राजनीतिक दलका नेता, कार्यकर्तासहित विभिन्न कार्यलयका प्रमुख , कर्मचारी र पत्रकारहरुको टोलीले बजार परिक्रमा पछि एक औपचारिक कार्यक्रम गरि दिवस मनाएको थियो ।


थप समाचार
प्रतिकृया
नाम

ईमेल

ठेगना