मौलाकालिका मन्दिरमा नयाँ भवन

नवलपरासी, वैशाख २२ गते । नवलपरासीको गैँडाकोटस्थित मौलाकालिका मन्दिर परिसरमा नयाँ भवनको निर्माण पूरा भएको छ । संस्कृति, पर्यटन तथा नागरिक मन्त्रालयको रु ३० लाखको सहयोग र जनस्तरबाट प्राप्त रु १० लाख गरी रु ४० लाखमा नयाँ भवनको निर्माण पूरा भएको हो ।

छ–कोठे उक्त भवनमा धार्मिक एवम् पर्यटकीय सभाकक्ष समेत रहेको छ ।

नियमित सार्वजनिक सुनुवाइको माग

यसैबीच, बागेश्वरी असल शासन क्लब, नवलपरासीले विभिन्न ११ बुँदे माग राख्दै मगङ्लबार प्रमुख जिल्ला अधिकारीलाई ज्ञापनपत्र बुझाएको छ ।

जिल्लामा रहेका सबै सरकारी निकायको नियमितरुपमा सार्वजनिक सुनुवाइ हुनुपर्ने, सरकारी साधनको दुरुपयोगमा रोक लगाइनुपर्ने लगायतका मागसहित इलाका प्रशासन कार्यालय कावासोतीमार्फत ज्ञापनपत्र बुझाएको हो ।

क्लबका अध्यक्ष यदुनाथ सिग्देलद्वारा हस्ताक्षरित ज्ञापनपत्रमा जिल्लामा भइरहेका सबै खालका भ्रष्टाचार नियन्त्रण गरिनुपर्ने, भ्रष्टाचारविरुद्धका उजुरीको सुनुवाइ तत्काल गरिनुपर्ने, हरेक कार्यालयमा नागरिक बडापत्र र गुनासो पेटिकाको व्यवस्था गरिनुपर्ने, जिल्लामा हुने भ्रष्टाचार नियन्त्रणका लागि अनुगमन तत्काल थालिनुपर्नेलगायतका बँुदा उल्लेख गरिएको छ ।

ज्ञापनपत्र बुझ्दै इलाका प्रशासन कार्यालयका निमित्त प्रमुख कमलप्रसाद आचार्यले ज्ञापनपत्र सम्बन्धित निकायमा पु¥याउने र सो कार्यालयमा पनि बुँदामा उल्लेख भएअनुसारका काम कारबाही गर्न गराउन पहल गर्ने बताउनुभयो । रासस

थप समाचार
प्रतिकृया
नाम

ईमेल

ठेगना