खडेरीले पानी घट्ट समेत बन्द


विवश कुुलुङ राई

सल्लेरी, बैशाख १८ गते । दिनप्रतिदिन खडेरी बढ्दै जान थालेपछि सोलुखुम्बुमा अन्नबाली सखाप हुने अवस्थामा पुगेका कारण स्थानीय चिन्तित बनेका छन् । उच्च हिमाली भेगमा यतिबेला पानी पर्ने मौसम भएपनि खडेरी बढ्न थालेपछि स्थानीय त्रसित बनेका छन् ।  

खडेरीले खोलानाला पनि सुक्न थालेपछि पानीबाट चल्ने पानी घट्ट समेत  बन्द भएका छन् । पानी सुकेपछि गुदेलको वडा नं ४ र ५ को सिमाना पर्ने तीन वटा घट्टहरु बन्द भएका छन् । खडेरीको प्रभाब सबैभन्दा भिरालो जमिनमा परेका यस्ता जमिनहरुमा लगाईएका अन्नवालीहरु सुकेर नष्ट हुने अवस्थामा पुगेका छन् ।

सिँचाईको सुबिधा नभएपनि आकाशे पानीले पर्याप्त पुग्ने बस्तिहरुमा पनि खडेरीको तीब्र प्रभाव परेको छ । खडेरीले समुद्री सतहदेखि तीन हजार मिटरसम्म उचाईमा पर्ने लेकाली हावापानीमा मात्र पाईने अन्नबाली पनि सुक्न थालेको छ । सोलुखुम्बुको मुक्लि, देउसा, जुवु, गुदेल, बुङ, सोताङ लगायतका स्थानमा अन्नबाली पनि सुकेर सखाप भएका छन् । देउसाका तिर्थ राई भन्नुहुन्छ–‘तल दुधकोशी बगिरहेको भएपनि माथि देउसामा अन्नबाली सुक्न थालेको छ । यसरी नै एक हप्ताजति खडेरी लम्बिएमा मकै र आलु खेर जाने निश्चित छ ।’

हिमाली हावापानीमा पाईने गँहु,उवा,जाँै, मकै जस्ता अन्नबालीहरुपनि सुकेर नष्ट भएका छन् । तल्लो क्षेत्रमा गहुँ र जौ पाकिसकेका भएपनि माथिल्लो क्षेत्रमा पाक्नै नपाई सुक्न थालेको कृषकहरु बताउँछन् । खडेरीले यसवर्ष जिल्लाको उत्पादन एकदमै न्युन हुने आँकलन गरिएको छ । पानी नपर्दा कतिपय गाबिसहरुमा मकै उमे्रकै छैन भने कतिपय गाँउहरुमा खडेरीले लगाईएको अन्नबाली उम्रेकोपनि बोटै सुक्न थालेका छन् ।

थप समाचार
प्रतिकृया
नाम

ईमेल

ठेगना