हिजोआज बझाङमा दूध हालेको चिया सजिलै पाइन्छ !


शैलेन्द्र रोकाया
बझाङ ,बैशाख १७ गते । सदरमुकाम नजिकैको एक गाँउका किसानहरु व्यवसायिक दुध उत्पादनका लागी जिल्लामै पहिलो पटक जर्सी गाई पालनमा कस्सिएका छन् । जर्सीगाईबाट स्थानीय गाई र भैसीको भन्दा बढी दुध उत्पादन हुने र फाइदा बढी भए पछि देवल गाँउका प्रायः सबै किसानहरु गाईपालनतर्फ आकर्षित भएका हुन ।


बझाङको रिठापाटाम देवलामा ब्यावसायिक रुपमा पालिएका जर्सि गाईहरु ।

जयपृथ्वी नगरपालीका वडा नं. २ की सीता खड्का दुई वर्ष अघिसम्म घर धन्दामै व्यस्त थिइन । जर्सीगाईको नाम पनि नसुनेकी उनले आफै जर्सी गाई पालौला र महिनामा ४०÷५० हजार रुपियाँ आम्दानी गरौला भनेर कहिल्यै सोचेकी थिइनन् । उनको भनाई छ ( गाँउका दिदी बहिनीहरुले जर्सी गाइपालन गरौं भनेर भने सिताले भनिन जर्सी गाइले त दुध मात्रै हैन पैसा पनि राम्रो कमाइ हुँदो रहेछ । गाँउको लालिगुरांस सामुदायिक सस्थाबाट सुरुमा ४५ हजार रुपियाँ क्रृण गरेर एउटा गाई किनेकी उहाँले डेढ वर्षमा संस्थाको क्रण तिरेर थप तीन वटा गाई जोडिसक्नु भएको छ ।


सामान्य आर्थिक हैसियतको उहाँको परिवारले अहिले छोरा छोरीलाई उच्च शिक्षा अध्ययनको लागि काठमाण्डौमा पठाएका छन । उहाँलाई उहाँका श्रीमान लेखक खड्का पनि सघाउन ुहुन्छ । उहाँको एउटा गाँईले दैनिक सरदर १२ लिटरसम्म दुध दिने गरेका छन । जर्सी गाईपालनबाट मनग्य फाइदा हुने देखेपछि सीतामात्र होइन गाँउका अन्य मानिसहरु गाईपालनतिर आर्कषित भएका छन । स्थानीय सामुदायिक संस्थाले गाई किन्नलाई क्रण र जिल्ला पशु सेवा कार्यलयले ढुवानीमा अनुदान दिन थाले पछि यहाँका न्युन आए श्रोत भएका किसानलाई गाइ पाल्न सजिलो भएको स्थानिय जनक खड्काले बताउनु भयो ।


देवल गाँउमा मात्र अहिले २५ परिवारले जसैि गाईपालन गरिरहेका छन । बैशाखको अन्तिम सम्म थप १५ वटा जर्सी गाई ल्याउने तयारी भैरहेको गाइपालनको लागी क्रृण सहयोग गरिरहेको एकता सामुदायिक संस्थाकी सचिव आसा धामीले गाँउमा ४० वटा जर्सी गाई ल्याइसकेका जानकारी दिनुभयो ।  दुई बर्षभित्र एक घर एक जर्सी गाई बनाउने योजना रहेको बताउँदै सुरुमा पहाडी ठाँउमा जर्सी गाइपालन सफल हुँदैन की भन्ने लागेकोमा अहिले सोचे भन्दा राम्रो भएको उल्लेख गर्नुभयो ।
तीनवटा सामुदायिक संस्था मार्फत् यस गांउँका करिव ६५ परिवारले एक वर्षभित्र गाईपालन गर्ने योजना रहेको उहाँले बताउनु भयो । यहाँ गठन भएका सामुदायिक संस्थालाई स्थानीय सहयोगी संस्था सामाजिक विकास केन्द्र मार्फत गरिवी निवारण कोषले आर्थिक तथा प्रविधिक सहयोग गरिरहेको छ ।


देवल गाँउमा सबै गरेर ६० भन्दा बढी जर्सी गाईपालन भैरहेको र यो गाँउलाई जिल्लाकै दुग्ध उत्पादन पकेट क्षेत्रको रुपमा विकास गर्ने जिल्ला पशु सेवा कार्यलयको लक्ष्य रहेको पशु विकास अधिकृत पशुपती नाथले बताउनु भयो । उहाँले पहिला कहिल्यै नपालेको भए पनि जर्सी गाँईबाट पर्याप्त फाइदा गर्न सकिने विश्वास किसानहरुलाई भैसकेको जानकारी दिनुभयो । रिठापाटा देवलका किसानहरुमा  गाइपाल्ने प्रतिश्पर्धा जस्तै चलेको छ ।
पशुसेवा कार्यलयले यस गाँउमा ढुवानी अनुदान, गाईको विमा, गोठ तथा आहारा सुधार, औषधी उपचार र कृत्रिम गर्भाधान लगायतका सुविधाहरु दिदै आएको नाथले  वताउनु भयो । दुधको बजार व्यवस्थापनको लागी समेत कार्यालयले सहयोग गरिरहेको उनले जानकारी दिनु भयो । नवलपरासी र चितवन जिल्लाबाट बझाङमा एक सयभन्दा बढी उन्नत जर्सी गाई भित्र्याइसकेको र यो वर्ष अझै बृद्धी गर्ने योजना रहेको पशुविकास अधिकृत नाथले जानकारी दिनु भयो  । कुनै वेला ‘चैनपुरमा जुनसुकै ब्रान्डको मदिरा सजिलै पाइन्छ तर दुध हालेको चिया पाइदैन’  भनेर चर्चा गरिने  भनाई अव गलत प्रमाणित भैसकेको चैनपुर दुधडेरीका संचालक राकेश सिंहले वताउनु भयो ।

थप समाचार
प्रतिकृया
नाम

ईमेल

ठेगना