प्रधानमन्त्री ओली सुनसरी आउने

Kp oliइटहरी, वैशाख १७ गते । नेकपा (एमाले)का अध्यक्ष तथा प्रधानमन्त्री केपी शर्मा ओली सुनसरी जिल्लाका विभिन्न स्थानमा आयोजना भएका कार्यक्रममा सहभागी हुनका लागि आज सुनसरी आउनु हुने कार्यक्रम रहेको छ । सुनसरीका प्रमुख जिल्ला अधिकारी मोहनबहादुर चापागाईंका अनुसार प्रधानमन्त्री ओली आज विहान यति एअरको विमानबाट विराटनगर विमानस्थल हुँदै सुनसरी जिल्लामा आयोजित कार्यक्रममा सहभागी हुनका लागि आउने कार्यक्रम रहेको छ ।

प्रधानमन्त्री ओली धरानमा नेकपा (एमाले)को साताँै धरान नगर अधिवेशन समारोह उद्घाटनका लागि धरानस्थिन भानुचोक पुग्नुहुने कार्यक्रम रहेको छ । उहाँले हालै उपमहानगरपालिका बनेको धरान क्षेत्रको पार्टीको नयाँ संरचना अनुसारको पार्टी नेतृत्व छनोटका लागि हुन लागेको अधिवेशन उद्घाटनपछि दिउँसो डेढ बजे जिल्ला प्रशासन कार्यालय इनरुवामा कार्यालय प्रमुखलाई निर्देशन दिने कार्यक्रममा सहभागी हुुनुहुने कार्यक्रम रहेको पनि प्रजिअ चापागाईंले जानकारी दिनुभयो ।

जिल्लाका सम्पूर्ण कार्यालय प्रमुखलाई सरकारको नीति तथा कार्यक्रमका विषयमा निर्देशन दिनु भएपछि प्रधानमन्त्री ओली आजै नेकपा (एमाले) सुनसरीद्वारा आयोजित पार्टी प्रवेश कार्यक्रममा सहभागी हुनुहुनेछ ।

सो कार्यक्रममा राप्रपा (नेपाल)का नेता रमेश श्रेष्ठसहितलाई नेकपा (एमाले) प्रवेशमा स्वागत गरेर प्रधानमन्त्री ओली आजै अपराह्न राजधानी काठमाडाँै फर्कने कार्यक्रम रहेको नेकपा (एमाले) सुनसरी अध्यक्ष द्वारिकालाल चौधरीले जानकारी दिनुभयो । रासस

थप समाचार
प्रतिकृया
नाम

ईमेल

ठेगना